مسلم: "الفلوس كل حاجة ومش هعمل زى محمد رمضان وهدخل عالم التمثيل"
علق مطرب المهرجانات مسلم على حبه للفلوس والعمل طوال الوقت، إلى جانب حديثه عن تفاصيل دخوله إلى عالم التمثيل، وذلك خلال لقاءه مع الإعلامية أميرة بدر في برنامج “أسرار”.
قال مسلم خلال اللقاء: "عندي شهوة الشغل والفلوس، وأنا مدير أعمالي، وبحب الفلوس لإنها بتعمل كل حاجة، وقادرة تخلي الناس اللي مكانتش بتبصلك تبصلك، وعشان أنا متربي تربية مش شبه الجيل ده أنا واللي شغالين معايا، وبالنسبه لي الفلوس مش كل حاجة، لكن دلوقتي بقيت اعتمد أن الفلوس كل حاجة".
وتابع مسلم: "شوفي كام واحد قال الفلوس مش كل حاجة لما مسك فلوس بقى ايه، ناس كتير اتغيرت، أصل منغير فلوس هنعمل ايه، لو مشتغلش على نفسي واتعب وأجيب فلوس وأركب احسن عربية، الناس مش هتعمل لك حساب، ورأيي في محمد رمضان انه ناجح، و اللي بيعمله حرية شخصية، لكن عمري ما اعمل كده، لإني بعمل الفلوس لنفسي، محبش حد لسه بيحاول يجتهد يشوف اللي عندي و يزعل ويضايق، لإني كنت مكانه في يوم من الأيام، أنا وسلطان الشن إخوات وبنتكلم وهو كويس، وعمري ما حسدت حد".
تصريحات مسلم عن دخوله إلى عالم التمثيل
وعن موقف جمعه بالمنتج أحمد السبكي، قائلًا: "كنت صغير ونزلت القاهرة رحت للسبكي، دخلت سلمت ورفض السلام عليا، وبصلي من فوق لتحت وقالي يالا يابني على اسكندرية مبنساعدش حد هنا، ومشيت من الدقي لصلاح سالم بعيط ومنهار، لكن بشكره دلوقتي لانه اداني طاقة وغل للشغل، وبعد كده طلب اشتغل معاه في حاجة ورفضت، وابنه كريم صاحبي وعندي أغنية في فيلم شقو، وفيه دور جايلي وفيه نجوم كبيرة زي ماجد الكدواني وعمرو عبد الجليل".
واختتم مسلم حديثه قائلًا: "عمري ما اتخانقت مع حمو بيكا وحسن شاكوش وعمر كمال، وكانوا ناجحين مع بعض بس دلوقتي خلاص عشان مطوروش من نفسهم، كانوا بيعملوا الموسيقى واحدة وبيغيرو الصوت بس مفيش جديد، اللي نجح ويجز وعفروتو إنهم عملوا سكة جديدة، وطوروا ولما كنت في حفلاتهم لقيت ناس سنها كبير في الحفلة".
اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"
