حسام حبيب: "بحس شيرين صاحبي الولد وعلاقتنا مش توكسيك ولسه صحاب"

تحدث الفنان حسام حبيب عن تفاصيل علاقته بالفنانة شيرين عبد الوهاب، وعلاقتها بجمهورها في السنوات الأخيرة وتراجعها في الأداء.

قال الفنان حسام حبيب في تصريحات تليفزيونية: “شيرين عبد الوهاب هي شيرين قبل حسام وبعد حسام ومحصلش حاجه تنزلها لـ تحت، بعد الكورونا عملت أكتر حفلات والأغاني، وحسابات الناس دنيوية جدًا وشيرين محاولتش تفرض كلامها عليا، هى شخصية بسيطة جدًا، وكان نفسها تجيب بيت في القلعة، وغلطتنا الوحيدة أن حياتنا اتفتحت على الناس فترة من الفترات واتنقل للناس أن العلاقة دي توكسيك وده مش حقيقي والناس بتسلط عليكي ضغط”.

تصريحات حسام حبيب عن شيرين عبد الوهاب

وعن علاقته بالفنانة شيرين عبد الوهاب، وتصنيف الجمهور لها بأنها علاقة سامة، قال حسام حبيب: “للأسف تصرفات شيرين وقت غضبها، خلى الناس تقول أن العلاقة دي توكسيك، لكن ده مش الحقيقي، والست لما بتغضب مينفعش تحاسبها.. ارتباطي بشيرين ارتباط صداقة ومن مميزات شيرين إني بحس إنها صاحبي الولد، مش زي البنات، يعني مبتتكلمش في المواضيع اللي البنات اللي بيتكلموا فيها مبتنمش على حد مبتحسبهاش حسابات البنات”.

وتابع: "شيرين أول واحدة اتجوزها وأعيش معاها، أنا عمري ما عيشت برا بيت أهلي طول عمري عايش مع أمي وأختي بعدها رحت على العيشة مع شيرين، شيرين مكانش في بيني وبينها معاملة الزوج والزوجة احنا دايمًا كنا عايشين أصدقاء، الناس ممكن تكون كانت مستكتره شيرين عليا لإن حسابات الناس حسابات دنيوية، واحدة مكان شيرين كانت ممكن تقول هروح اتجوز واحد غني ولا اتجوز واحد أكبر مني في السن يستوعبني، لكن أنا في نفس سنها تقريبًا وأصحاب كإننا اتنين ولاد قاعدين مع بعض، لكن شيرين شخص بسيط جدًا وبتاخد سعادتها من حاجات بسيطة جدًا، وأنا وهى صحاب لحد دلوقتي".

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة