حسام حبيب: "اتهامات شيرين ليا غلط وحلقت شعرها لما افتكرت إني هسيبها"

تحدث الفنان حسام حبيب عن علاقته بطليقته الفنان شيرين عبد الوهاب، مشيرًا إلى أن الاتهامات التي وجهتها له غير صحيحة على الإطلاق.

قال حسام حبيب خلال لقاءه في برنامج “ع المسرح” مع الإعلامية منى عبد الوهاب: “أنا وشيرين انفصلنا بس هنفضل أصحاب، والحب مازال بيننا موجود، وزي ما الحب مش من طرف واحد، الانفصال والمشاكل بتحصل من الطرفين، وعمري ما اتدخلت في شغلها، عمري ما كنت مدير أعمال شيرين”.

وأكد حسام حبيب، أنه مدير أعمال شيرين السابق عندما ترك العمل معها، كان لا توجد نقطة تواصل بين شيرين والجمهور، فكان هو حسام حبيب نقطة التواصل بينهما، ولكنه لم يأخذ أى قرار في شغلها، وكان يذهب معها إلى الحفلات بهدف أن يكون داعم لها.

تصريحات حسام حبيب

وتابع حسام حبيب: “مراتي لو قاعدة في البيت، أو بتشتغل أى شغلانة بسيطة في الدنيا، هى تاج على راسي، وأنا عمري ما خدت جنيه من شيرين، وهى كانت دايمًا تقولي ده تعبك خد فلوس كنت برفض وأقولها مساعدتي ليكي ده واجب عليا، واتهامات شيرين ليا مش حقيقة، كل ده بسبب إني مردتش عليها في التليفون وهى لما بتغضب كانت بتقول كلام كتير بيني وبينها وبعد الخناق ترجع تقول أنا كنت بقول كدة علشان أضايقك”.

أما عن سبب حلاقة شيرين عبد الوهاب لشعرها، قال حسام حبيب: "مش أول مرة شيرين تحلق شعرها، وحلقته بسبب إن حصل بينا خناقة عبيطة جدًا وطلبت الطلاق وقولتلها يالا عشان نتطلق، قالتلي عايزة المأذون هنا، وبعدين دخلت الحمام واتأخرت شوية خرجت وحلقت شعرها عشان كانت خايفه إني أطلقها، وأول ما شوفتها وقعت على ركبي".

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة