"اشتغلت من حزني على أهلي ورامي رضوان زوج مثالي".. أبرز تصريحات دنيا سمير غانم
كشفت الفنانة دنيا سمير غانم كيفية تخطيها الحزن على وفاة والدها ووالدتها، إلى جانب الحديث عن علاقتها لزوجها الإعلامي رامي رضوان، وذلك أثناء حلولها كضيفة على برنامج Big time مع الإعلامي عمرو أديب.
أبرز تصريحات دنيا سمير غانم
- بعد تجربة موت والدي ووالدتي اكتشفت إن الحزن ده مش زي ما بنوريه في الأفلام خالص.
- بعد وفاة والدي ووالدتي الحزن خلاني عاوزة أنزل اشتغل على طول، لإن طول حياتي متبرمجة إن الفن يعني هما وبحس في الشغل إن هما معايا طول الوقت.
- إيمي بقا كان حزنها إنها عاوزة تفضل مع نفسها، وطلعت حزني في الأغنية اللي عملتها لبابي.
- الوقت اللي قبل الوفاة كان صعب وصورتهم وهما تعبانين على طول معايا.
- أنا شبه مامي، بس مامي أحلى بكتير، والجمهور السعودي كل ما بيشوفوني يقولولي الله يرحم الوالد والوالدة.
- بنتي كايلا غيرت حياتي، وبقيت بخاف على نفسي ولو في حاجة فرهدة في الشغل بعتذر عنها.
- لما بتخانق مع رامي مش بسكت خالص وبحب أطلع اللي جوايا، عشان الخلاف ما يزيدش.
- الرجالة شغلتها الكلام، بس رامي حقاني أما بيعمل حاجة غلط بيعترف بيها وبيحب إن الست دايمًا تقول رأيها ويبقى عندها مكانتها.
- السوشيال ميديا بوظت حياتنا، ومبقناش نعيش حياتنا من غير التليفونات.
- رامي عامل لبنتنا حدود على السوشيال ميديا وبتستخدمه ساعة بس في اليوم.
- مش بهتم بالناس اللي بتهاجمني ومش بدور على السوشيال ميديا غير ورا أعمالي بس، وساعات بشوف حملات.
- رامي رضوان زوج مثالي، وبيسندني وبيشجعني، في شغلي بس المثالية بتاعته بزيادة، وهو عارف من الأول ظروف شغلنا وحياتنا وبقيت بصعب عليه.
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
