إيناس الدغيدي: "رفضت أتجوز صديقي المثلي جنسيًا وبحب واحد متجوز بس ميعرفش"

كشفت المخرجة إيناس الدغيدي عن رفضها الزواج من مثلي جنسيًا، إلى جانب حديثها عن أنها تعيش قصة حب مع رجل متزوج ولكنه لا يعرف.

قالت إيناس الدغيدي خلال لقاءها في برنامج “أسرار”: "رفضت الزواج من صديقي المثلي جنسيًا، هو كان صديق بره عايش في ايطاليا، وكان سنه كبير وعارف إني عارفة، وكان عايزنى عشان ابقى رفيقة، لإن سننا مش بتاع شهوة، وضحكت لما عرض عليا، ويمكن يطبطب عليا وجنبه حد تاني من جنسه، ومكنش يعرف رد فعلي وحولت الموضوع هزار، كان رجل عربي، وصديقي ورجل محترم وبيعمل خير".

تصريحات إيناس الدغيدي

وتابعت إيناس الدغيدي: "عمري ماحسدت حد، وبحب أشوف الفنجان، وفيه واحدة بتجيلي تقرالي الفنجان، لإني مقتنعة إن اللي بشوفه بحققه، وآخر مرة من أسبوع واحدة قالتلي هيجيلك موبيل هدية، قلت ايه الهبل ده، بعدها جالي تليفون هدية فعلًا، استغربت جدًا، وفيه حاجات كتيرة بتتحقق، ورأيي في ليلى عبد اللطيف هى صديقتي لكن شافتلي مرة ومتحققش، عندي شراهه للسفر، لما برجع من رحلة بفكر في اللي بعدها، وأنا حاليًا في آخر حياتي عايزة ألف العالم، يارب ابعتلى مليون دولار عشان الف العالم، ونفسي اشتغل مع إلهام شاهين مسرح لإنها خريجة مسرح ولغتها كويسة". 

كما كشفت المخرجة إيناس الدغيدي على علاقات الحب في حياتها، وقالت: "برجي برج الحوت بتاع الحب، لكن حبي دلوقتي مختلف، ممكن أحب حد مشوفهوش، في حد بحبه بس هو مش عارف، وشايفه إن ده الراجل اللي بتمناه، مش هقوله ولا ابين له، بحب شخصيته وقوته ومش شكل بحب الراجل اللي عنده باور فلوس وسلطة، ومش ممكن اقوله، وكبريائي بيخسرني، بشوفه بس ميعرفش إني معجبه بيه، واوعدك لو علمتيني هعمل كده ومش معايا رقم تليفونه حتى".

واختتمت حديثها قائلة: "بيعجبني كل حاجة فيه بس هو متجوز ومبجيش ناحية المتجوزين، وزوجي لما حبني كان متجوز، ولا يمكن أبقي زوجة ثانية، لكن ممكن أبقى حبيبة، تفرق كتير، لإن الحب اوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية اشوفه مرتين في الاسبوع، لكن لو ساب وجه هتجوزه بس مش هقوله اعمل كده، مش هحب بدون ارادة، انما لو مخططة وراسمة ده مش حب".

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة