منة فضالي عن مشاركتها في كوبرا: كل ماتشتغلي مع نجم بتاخدي من نجاحه
أعربت الفنانة منة فضالي عن سعادتها بنجاح دورها في مسلسل "كوبرا" رغم ظهورها في عدد قليل من الحلقات لكنها تصدرت "الترند" وقت عرضهم.
تصريحات منة فضالي
قالت منة فضالي في تصريحات صحفية:"سعيدة إني اشتغلت مع محمد عادل إمام وكان في بينا كيميا والناس حبيتنا أوي، وحسيت إني أعرفه من سنين وإننا اشتغلنا مع بعض قبل كده".
وكشفت منة فضالي عن تجهيزاتها لشخصية "حنان" في مسلسل "كوبرا" وقالت: "حنان شخصية جميلة وحقيقية وطيبة حاولت أنها تكون طبيعية، على الورق مش بيكون باين التفاصيل دي لازم نحط لمسات من عندنا، وأنا خليت للشخصية لزمة أنها بتتكلم بسرعة أوي".
منة فضالي في مسلسل كوبرا
وأكدت منة فضالي أنها فوجئت برد الفعل على الدور لدرجة أنها بكت من الفرحة قائلة: " مكنتش متوقعة الترند بس كنت مبسوطة أن أول يوم اطلع تريند والناس تتكلم عني اتفاجئت وعيطت وحسيت بالمسئولية، ومبسوطة أن جمهور محمد إمام حبوا الشغل اللي عملناه لأن كل ما تشتغلي مع نجم الناس بتحبه بتاخدي من نجاحه".
اقرأ أيضاً:أنتِ مفتاح الحياة.. أصالة توجه رسالة دعم للسيدات في يوم المرأة العالمي
