سؤال إلى دار الإفتاء: هل يحق للزوج التجسس على زوجته؟.. شوف الإجابة
ورد سؤالًا إلى دار الإفتاء المصرية مفاده: هل يحق للزوج التجسس على زوجته؟، هل للزوج أو الحق في التفتيش بالموبايل الخاص؟، أفيدوني أفادكم الله.
وأجابت وسام الخولي، أمينة الفتوى بدار الإفتاء المصرية،: “ده يوصل إلى اضطراب بين الزوجة والزوجة، لازم يكون كل طرف مطمئن للآخر بالتراضي حتى لو هيشوف موبايلها أو تشوف موبايله، حفاظا على الأسرة”.
التجسس على الزوجة
وأوضحت أمينة الفتوى، أن سيدنا النبي محمد -صلى الله عليه وسلم-، حذرنا من التحسس والتجسس، حتى إذا كان فيه شك في الزوج أو الزوجة، مضيفة: “لازم يكون في ثقة بينا ويكون بينا تفاهم وتحاور، ولو الزوج اتجسس على الموبايل لازم نعرف سبب ده إيه”.
وتابعت: “ممكن تكون مش بتستخدم الموبايل كتير لكن بتستخدمه في الوقت الموجود فيه زوجها، وبالتالي ده هيأثر على العلاقة وهيخلي الطرف الثاني يشك، طيب بتعمل إيه وممكن يكون بتكلم صاحبتها”.
وأردفت أمينة الفتوى بدار الإفتاء المصرية،: “هنا المفروض توضح للزوج هي بتعمل إيه، وبتكلم أصحابها أو والدتها، وتفهمه إن في مساحة خاصة لازم يحترمها، والزوج لازم يتفهم إن في مساحة خاصة ليها فقط”.
واختتمت الخولي،: “يعني مينفعش كمان الزوج يكون بيتكلم في التليفون ونقوله شغل الإسبيكر عشان نعرف مين اللي بيتكلم”.
اقرأ أيضًا: هل يؤثر شريط منع الحمل اللاصق على غسل المرأة؟ دار الإفتاء توضح
