"لقيت حاجات غريبة واوعوا تعملوا جزء خامس".. بسمة وهبة تفجر مفاجأة عن مسلسل المداح

رضوى عواد

الأحد 05/مايو/2024 - 01:41 م

كشفت الإعلامية بسمة وهبة عن سبب عدم مشاركة الفنانة لوسي في مسلسل المداح الجزء الرابع، بطولة الفنان حمادة هلال.

قالت الإعلامية بسمة وهبة، في فيديو عبر حسابها بموقع إنستجرام: “لوسي قد تكون سابت مسلسل المداح بسبب تعرضها لأذى، بسبب دور العفريته اللى جسدته قبل كده، وكانت اسمها هند بنت الأحمر، وقالت بنفسها إنها حسيت بأذية حقيقية ومكملتش”.

وتابعت بسمة وهبة: “بوسي لما جتلنا الحلقة السنة اللي فاتت حسيت إن فيه حاجة، وقُمت صوت ولقيت في قطة ماشية من تحت رجلي ونهينا الحلقة، معرفش ممكن يكون فيه حاجات خفيفة والناس بتستغلها وبيقولوا إن ده المهدي المنتظر”.

سبب عدم مشاركة لوسي في المداح 4

أما عن وصف بعض الشخصيات في العمل بالسيدة مريم العذراء، استكملت بسمة وهبة: “مريم العذراء مين اطلعوا يا مسيحين دافعوا، أنا بحب مريم محدش يقول لواحدة عادية إنتِ مريم العذراء، وشايفة إن مسلسل المداح عملنا مشاكل كتير وكفاية كدة بقى”.

ووجهت بسمة وهبة رسالة لصناع مسلسل المداح، وقالت: “اوعوا تعملونا جزء خامس، المسلسل عمل مشاكل كتير وآخرها مشاكل الدبح والتعذيب اللي حصلت للولد اللي قتلوه في شبرا وأخدوا أعضاءه، المفروض يتكتب إن المسلسل لا يمت الواقع بصلة”.

واختتمت بسمة وهبة حديثها قائلة: “لما بنشوف مسلسلات أجنبية أو كورية بيتكتب من خيال المؤلف وليس له علاقة بالواقع، مسلسل المداح هو الوحيد اللي اتفرجت عليه، ليه يتعمل أربع أجزاء والمسلسل كله توتر وجن وعفريت وكان مؤثر، ومفيش حاجة توحي إن ده مش حقيقي أو مسلسل مكتوب من الخيال”.