إلهام شاهين: "مشروع أرشيف الفنانين مهم لأني بنسى أعمالي"
تحدثت الفنانة إلهام شاهين عن مشروع " أرشيف الفنانين" موضحة أنه مشروع هام لتخليد الأعمال الفنية المتميزة التي يقدمها الفنان خلال مسيرته.
تصريحات إلهام شاهين
وقالت إلهام شاهين في مداخلة هاتفية في برنامج "مصر الجديدة" :"أرشيف الفنانين حاجة مهمة بشكل عام وبشكل خاص لكل فنان, من كتر الأعمال الفنية هييجي وقت مش هقدر نفتكر كل حاجة، هنفتكر ايه ولا ايه، أنا واحدة بشتغل بقالي اربعين سنة، هفتكر ايه ولا ايه؟ عديت الـ100 فيلم وأكتر من 50 مسلسل ومسرحيات كتير حتى لما جيت اتكرم في مهرجان المسرح قولتلهم أنا عاملة ٨ مسرحات مشتغلتش كتير قوي، لقيت إن أنا اتعمل عني كتاب وانا عاملة ٢٥ مسرحية".
مشروع أرشيف الفنانين
وتابعت:" في مسرحيات معمولة للتلفزيون بعد عرضها أسبوعين فقط وانا نسيت اني عملتها أساساً ، رغم انها أعمال مهمة جدا من الأدب العالمي، بنسى خدت كام جايزة واتكرمت في دول ايه، اللي عايز يعمل قصة حياة فنان ممكن يخش على الموقع ده يعرف كل حاجة من أول ما اتولد لحد ما مات لأنه بيحافظ على تراث الفن المصري وكل ما يقدم في الفن المصري موجود عندنا محتفظين بيه".
اقرأ أيضاً:"كل حاجة فيها تتحب وأكبر مني بسنتين".. تصريحات طليق ندى الكامل قبل الانفصال
