فيفي عبده تكشف سبب اختفائها: وصلت لـ 95 كيلو وكنت عايزة أضرب نفسي بالنار

كشفت الفنانة فيفي عبده عن سر ابتعادها عن الظهور في المناسبات العامة وعبر مواقع التواصل الاجتماعي خلال الفترة الأخيرة، مشيرة إلى أنها تعرضت لأزمة صحية أدت إلى زيادة وزنها.

قالت فيفي عبده من خلال بث مباشر عبر صفحتها على انستجرام: "مكنتش بظهر لأني مريت بأزمة صحية وعملت عملية في العمود الفقري وكانت أول مرة أعمل عملية في حياتي، وبعدها تخنت جدًا بسبب الجلوكوز ووصلت لـ 95 كيلو، انتوا متخيلين فيفي عبده بالوزن دا؟ وطبعًا اتكسفت أطلع للجمهور بالمنظر دا غير لما أخس".

فيفي عبده: كنت هضرب نفسي بالنار بسبب التخن

وتابعت فيفي عبده: "أوحش حاجة على الظهر والعمود الفقري هو التخن، أنا قعدت أكل بطاطا وبطاطس وحاجات كده، لكن دلوقتي قفلت بوقي ومش هاكل غير فاكهة، ولما تخنت كنت عايزة أضرب نفسي بالنار، ويارب يعملولي تصريح إني أضرب نفسي بالنار عشان لازم أعرف أنا باكل كتير ليه؟".

وتطرقت فيفي عبده بالحديث عن بناتها، قائلة: "بنتي عزة فنانة موهوبة جدًا ومش بقول كدا لإنها بنتي لكن دي شهادة حق، وبناتي هما حياتي كلها".