أيمن بهجت قمر يكشف تفاصيل خلافه مع محمد حماقي.. فيديو

كشف السيناريست والشاعر أيمن بهجت قمر، عن تفاصيل خلافه مع الفنان محمد حماقي، مؤكدًا أنه بدأ بالصلح وكانت تجمعهم صداقة طويلة وقوية، وتعاونهم في أغنية دلعنا كتير.

تحدث أيمن بهجت قمر عن علاقته بحماقي أثناء لقائه في برنامج مساء dmc الذى يقدمه الإعلامي رامي رضوان والذى يعرض على قناة dmc قائلًا: " أنا وحماقي صحاب من 1995 يعني من قبل ما يتشهر، وحصل خلاف بينا مفيش علاقة صداقة ميكونش فيها زعل وخناق بس كان في بينا عشم زيادة، وبعدين حصل قطع لفترة قصيرة ورجعنا أصحاب تاني، لكن مشتغلناش مع بعض لحد ما جه الأوان".

تصريحات أيمن بهجت قمر

أضاف أيمن بهجت قمر قائلًا: " في يوم حلمت إني مزعل اتنين من أصدقائي، كان حماقي وواحد صديقي تاني، وقولت أنا لازم أصالحهم فبعت لحماقي قولتله بعيد عن الشغل احنا صحاب، لحد ما جت لحظة أننا نشتغل مع بعض تاني، وأنا مبتفرقش معايا إني أبدأ بالصلح".

تحدث أيمن بهجت قمرعن تفاصيل أغنية دلعنا كتير قائلًا: " حاولت في أغنية حماقي أجبر بخاطر الرجالة، ولإن لازم نعبر عننا وكلنا محتاحين ندلع، بالذات الراجل في مجتمعنا شايل مسؤليات كبيرة فبيكون محتاج يشم نفسه ويدلع".