غادة عبد الرازق: بكره سؤال اتجوزتي كام مرة وزمن المجاملة انتهى

كشفت الفنانة غادة عبد الرازق عن كواليس آخر جلسة تصوير لها التي نالت إعجاب الجمهور على مواقع التواصل الإجتماعي.

أوضحت غادة عبد الرازق أثناء لقائها في برنامج رؤيا قائلة: " أنا حضرت للفوتوشوت ده حوالي شهرين، عشان كنا عايزينه يطلع بشكل جديد ومختلف، واتمني يعجب الناس، ومدير أعمالي هو الاستايلست وهو اللي ماسك كل حاجة".

تصريحات غادة عبد الرازق

وأضافت غادة عبد الرازق عن كواليس جلسة التصوير التى قامت بتصويرها في حمام السباحة  قائلة: " أول ما طلعت لقيت الناس كلها بتعوم عادي، وأنا طلعة لابسة فستان وعملة ميكاب، فلقيت الناس بيقولوا مين دي هي دي غادة ؟!، فروحت استأذنتهم إني أخد صورة قالولي آه طبعًا".٠

ومن جانب آخر، تحدثت غادة عبد الرازق أن مجاملة النفس أهم بكثير من مجاملة الآخرين قائلة: "وقت الفوتوشوت كنت بسمع أغنية زمن المجاملة انتهى، وده لأن فعلًا بالنسبالي زمن المجاملة انتهى، فلازم أجامل نفسي الأول، وأخلي بالي من نفسي عشان وقتها هكون مفيدة للآخرين، لكن لو مفيدة للآخرين ومش مفيدة لنفسي أكيد هخسر".

الأسئلة التي تزعج غادة عبد الرازق

أشارت غادة عبد الرازق إلي أن هناك أسئلة تزعجها قائلة: " بكره قوي الأسئلة اللي من نوع اتجوزتي كام مرة، اتطلقتي، يا تري هتتجوزي تاني.. حقيقي بكره السؤال ده واتمني محدش يسألني تاني".