هادي الباجوري يكشف عن إمكانية وجود جزء ثاني من مسلسل سفاح الجيزة
كشف المخرج هادي الباجوري عن إمكانية وجود جزء ثاني من مسلسل سفاح الجيزة بطولة الفنان أحمد فهمي، بعد أن حقق المسلسل نجاحًا كبيرًا منذ بداية عرضه خلال الفترة الماضية من خلال منصة شاهد الرقمية، وتفاعل معه الجمهور بشكل كبير على مواقع التواصل الاجتماعي.
وتحدث هادي الباجوري عن الجزء الثاني من المسلسل أثناء لقائه في برنامج تفاعلكم الذي تقدمه الإعلامية سارة دندراوي المذاع على قناة العربية قائلًا: "احنا لسه محددناش فيه جزء تاني أو تالت، ودي حاجة ليها علاقة بشركة الإنتاج أكتر مني، لأن ممكن يكون في جزء تاني ومكنش أنا المخرج بتاعه، مش شرط كل الأجزاء أكون أنا المخرج بتاعها، شركة الإنتاج هى اللي بتحدد، واللي اعرفه أن في خطة يكون فيه جزء تاني".
تصريحات هادي الباجوري عن مسلسل سفاح الجيزة
وأضاف هادي الباجوري مؤكدًا أنه من المحتمل أن يعتذر عن الجزء الثاني من مسلسل سفاح الجيزة قائلًا: "أنا بحب دايمًا أعمل الحاجة ويكون عندي تحدي بعمله، والجزء اللي الناس شافته أنا كمخرج معملتش النوعية دي قبل كده، ولو اتعرضت عليا الجزء التاني وملقتش الحاجة اللي تخليني أعمل حاجة جديدة ممكن أعتذر".
وتابع هادي الباجوري قائلًا: " أنا مش بتأثر بآراء السوشيال ميديا سواء بمدح أو لأ، وأنا مش بتابعها قوي، و بقيم العمل من وجهة نظري أنا مبسوط منه ولا لأ، أو لو في عيوب ببقى عارف من الأول أن ده اللي أنا راضي بيه، ومفيش عمل مفيش فيه آراء مختلفة، وأنا مقدرش اسأل الناس انتوا كنتوا عايزينه ينتهي إزاي، ودي حاجة موجودة طول الوقت، وفكرة أن يكون في آراء مختلفة دي حاجة صحية للعمل، ومستحيل نرضي كل الناس".
وعن نهاية مسلسل سفاح الجيزة أوضح هادي الباجوري، قائلًا: “الراجل ده لازم يتقبض عليه، يمكن الجزء الأول من الحلقات عشان كان فيه دبح وقتل ودم، فالناس محستش باختلاف كبير في نهاية المسلسل، وده اللي إحنا قصدناه، ومحدش كان متوقع اللي حصل، وهو ده المقصود إننا نقدم حاجة جديدة ومختلفة للجمهور غير المعتاد اللي هو متعود يشوفه”.
