فريدة سيف النصر عن تعرضها للسرقة: بتفتح عليا وأنا نايمة ومقدرش أواجهها

أعلنت الفنانة فريدة سيف النصر عن تعرضها للسرقة من مديرة منزلها، مشيرة إلى أنها تعرضت للسرقة العديد من المرات قبل ذلك ولكنها لم تستطع اتخاذ اى اجراءات ضدها.

كتبت فريدة سيف النصر عبر حسابها على "فيسبوك": "لما بيكون عندك حد نافعك في حياتك لإن مش أى حد بيحب الكلاب، وأنت كل شوية حاجات بتتاخد فعلًا مش هزار وحاجات باينة قوي، يعني هدوم مش أي حاجة لازم ينقصوا على نصين مرتين واختفاء قصري، وترجع ترمي نص الحاجة فانت تتخيل أن أنت مادورتش وفجأة اختفاء كامل".

فريدة سيف النصر تتعرض للسرقة 

وأضافت: "ده غير بقا المفروشات أقسم بالله أطقم كاملة بمخداتها ونظارات وجزم واكسسوارات وأدوات مطبخ، والله مبقاش فيه أى حاجة كاملة خالص أول بأول ومفيش حد تاني بيعمل الحاجات دي عشان تشك في اتنين، أول ما بتغير مكان أى حاجة بحجة النظام اعرف إنها هتاخدها وبتلغبط الأدراج".

أما عن موقفها من التعرض للسرقة، قالت فريدة سيف النصر: "مش عارفة أعمل ايه؟ أواجهها وأنا مش بحب أحرج حد واجرحها، ولا أمشيها واحتاس ودول عائلة كاملة نفعاني، ولا أروح عندهم على غفلة زى ما قالوا وطبعًا مش ممكن أعمل كده، بجد زهقت ومش عارفة أعمل ايه، وأكيد بتفتح عليا بالمفتاح وانا نايمة وبدي الأمان، حسبي الله ونعم الوكيل".

آخر أعمال فريدة سيف النصر

يشار إلى أن آخر أعمال الفنانة فريدة سيف النصر، مسلسل "جعفر العمدة"، الذي تم عرضه في موسم رمضان 2023، مع الفنان محمد رمضان، إيمان العاصي، منة فضالي، أحمد داش، فريدة سيف النصر، أحمد عبد الله، طارق النهري، منذ رياحنة، هالة صدقي، مجدي بدر، لبنى ونس، ومن إخراج محمد سامي.