"قاعد في البيت وقالقهم".. غادة عبد الرازق ترد على شائعات اعتزال الزعيم عادل إمام
علقت الفنانة غادة عبد الرازق على الشائعات حول اعتزال الزعيم عادل إمام، بالإضافة إلى الهجوم الذي حدث على فيلم مرعي البريمو للفنان محمد هنيدي، بجانب تفاصيل فيلمها الجديد.
تحدثت غادة عبد الرازق على انتشار الشائعات حول الزعيم عادل إمام أثناء لقاء في برنامج رؤيا قائلة: " أنا بضحك لما بشوف الكلام ده، وبعدين مين أصلًا يتكلم عن عادل إمام، يعني المفروض لما حد يجي يقول اسمه يقول الأسطورة عادل إمام"، لمشاهدة الفيديو اضغط هنا.
تصريحات غادة عبد الرازق
وأضافت غادة عبد الرازق قائلة: "حتى وهو قاعد في بيته قالقهم وتاعبهم، دي حاجة جميلة قوي، أنت عايز أحسن من كده عظمة إيه، بقاله سنتين مش بيعمل حاجة وقاعد في البيت ومضايقهم".
ووضحت غادة عبد الرازق عن تفاصيل فيلمها الجديد قائلة: "اسم فيلمي الجديد البقاء للأصيع، وهو فيلم كوميدي، معايا فيه بيومي فؤاد وأحمد آدم ومحمود حافظ، أنا بقالي كتير معملتش كوميدي وهو تركيبة دمها خفيف قوي واتبسطت قوي بالتجربة دي، وكنت مبسوطة جدًا لأن شريف إسماعيل المخرج إنسان جميل، وأنا مستنيه الفيلم ينزل عشان عايزة اتفرج عليه".
كما علقت غادة عبد الرازق على الانتقادات الموجهة لفيلم مرعي البريمو بطولة محمد هنيدي قائلة: "دي بتبقي حسابات خاصة، وبتكون ناس بتخلص حسابات مع ناس تانية، لكن حكاية إن العمل يجلي دي، أعظم نجوم جابتها مصر في الأربعينات والخمسينات عملوا أفلام كويسة قوي وفي أفلام تانية ليهم لو شفتها هتقول هما عملوا ده وقبلوا بكده ليه، وقتها مينفعش نقول دول بيشتغلوا عشان الفلوس، لا دول كانوا نجوم وأكتر من صف أول كمان".
وأضافت غادة عبد الرازق قائلة: " حتى أنا وده كلنا بلا استثناء، حصلنا ده واللي أعظم من غادة عبد الرازق بكتير وأسماء كبيرة قوي، عملوا أعمال مهمة جدًا هتلاقيهم عاملين أعمال تانية متصدقش أنهم عملوها أصلًا".
ومن جانب آخر، تحدثت غادة عبد الرازق عن احتمالية اتجاهها لمجال الغناء قائلة: " أنا مقدرش أعمل كده طبعًا، لكن لو بعمل فيلم استعراضي واتطلب إني أغني فيه آه ممكن وقتها، يعني ممكن مسرح مثلًا، لكن في المطلق لا، لأنها مش مهنتي أنا مطربة ولا مؤدية حتى، أنا مهنتي التمثيل ودي حياتي وتنفسه، وهي دي الموهبة اللي ربنا ادهالي".
واختتمت غادة عبد الرازق قائلة: "أنا بعشق الأردن وشعبها، روتانا بنتي درست هناك 3 سنين طيران، وكنت بروحلها فبقى عندنا صحاب هناك كتير، وعيشنا في البلد هناك 3 سنين".
