"خوفت من النجاح".. ركين سعد تكشف كواليس مسلسل سفاح الجيزة
كشفت الفنانة الأردنية ركين سعد عن تحضيراتها لدورها في مسلسل سفاح الجيزة والصعوبات التي واجهتها، وذلك بعد نجاح الكبير الذي حققه المسلسل أثناء عرضه على منصة شاهد الرقمية.
تحدثت ركين سعد عن ردود الأفعال على دورها في مسلسل سفاح الجيزة أثناء لقائها في برنامج ضيفي الذي يقدمه الإعلامي معتز الدمرداش المذاع عبر قناة الشرق قائلة: "بعد عرض الحلقة الخامسة والسادسة صحيت الصبح لقيت ناس كتير بتتكلم عن المسلسل ودوري، قعدت اجري واتبسطت أوي لأننا تعبنا أوي في المسلسل، وحب الناس فرحني وقد أيه هما عطوني حب، وحسيت بالخوف في نفس الوقت من النجاح ده وقولت لنفسي هل هفضل كده؟.. وازاي هستمر على النجاح ده، وأنا أصلًا شخص بيفكر كتير وبحاول دايمًا أني اشغل نفسي عشان أهدي من الانفعاليه بتاعتي والتوتر".
تصريحات ركين سعد
وأوضحت ركين سعد عن تحضيرها للدور قائلة: "من أول ما كلموني وقريت السيناريو عجبني أوي، وفكرة أنه مستوحي تخلي أي ممثل متحمس، ده غير طاقم العمل اللي اشتغلت معاه كان بروفيشنال وبيحبوا شغلهم وشاطرين جدًا، وغير الشخصية اللي قدمتها كان فيها تحدي وصعبة ومركبة، بالنسبالي المشاركة في المسلسل كانت رحلة، واحنا حضرنا واتكلمنا في أفعال الشخصية وعملنا اختبار للمكياج واللبس، شفنا كذا شكل للشخصية واشتغلت مع مدربة التمثيل".
وأشارت ركين سعد عن أهمية مدربة التمثيل قائلة: "ممكن يكون في أدوار معينة محتاج حد يبقي معاك ويساعدك، واحنا كنا بنعمل تمارين وبنتكلم في الشخصية وبنحاول نشوف الأجزاء اللي قصرت فيها، هي كانت عبارة عن ورك شوب فيها تفاصيل كتير ودي من الحاجات اللي بحبها، حتى لو مش بمثل وبعمل ورك شوب بحب أكون موجودة، لأن مساحة أن الواحد يجرب قبل التصوير دي حلوة جدًا، وأنه يتمرن على الصوت والأحساس والكلام".
تحدثت ركين سعد عن دور زينة قائلة: "أحيانًا كنت بحس أن أنا وزينة واحد، لكن أنا عمري ما أعرف أكون حد تاني بس ممكن اتصرف بطريقة تانية، خاصة لما تكون بتفكر في حاجة طول الوقت وبتحضرلها، فبتكون واخده تفكيرك ومشاعرك فطبيعي تأثرعليك سواء في مشاعرك أو جسمك أو جهازك العصبي دي حاجة صعبة، هو التعب مش بيكون طول الوقت بس في مشاهد بتكون صعبة بمجرد أنك تقرأها".
