"والدي مكنش راضي عليا قبل وفاته وعندي حماية من ربنا".. تصريحات نارية لـ إلهام شاهين
حلت الفنانة إلهام شاهين ضيفة في برنامج "كتاب الشهرة" الذي يقدمه الإعلامي علي ياسين، عبر قناة "الجديد"، وأدلت الفنانة بالعديد من التصريحات الساخنة وكشفت عن رأيها في العديد من الأمور الشخصية والحياتية، وفي السطور التالية نرصد لكم أبرز تصريحات الفنانة إلهام شاهين التليفزيونية.
أبرز تصريحات إلهام شاهين
- راضية عن عدم إنجابي وبحب أعيش حرة ومن غير قيود.
- الفن بياخد كل وقتنا وساعات بنشتغل بالـ 20 ساعة ومش عارفة إمتي ممكن الواحدة تمارس أمومتها لازم نختار وأنا اختارت.
- مندمتش على فكرة الإجهاض لإن الأمومة عطاء وتضحية.
- دوري في الهلفوت كان مكتوب لسعاد حسني ولما اعتذرت عادل إمام رشحني.
- مفيش راجل مخلص لزوجته وفي ناس بيحبوا يتجوزوا كتير واللي بيتجوز مرة واحدة بيكون عندهم أكتر من علاقة.
- المفروض حقوق الراجل والست تكون متساوية وأنا ضد إن الشرع سامحلك تتجوز أربعة.
- والدي مكنش راضي عني لحد ما مات وواجهت صعوبات كتيرة في بدايتي.
- لما كنت بأكل والدي كان بيحدف الطبق في وشي وورثت منه صفة العند.
- بحب أناقش قضايا مهمة ومختلفة في أعمالي، مثل: زواج القاصرات وختان الإناث.
- بيقضوا على طفولة البنت اللي بينقبوها وهى صغيرة، المفروض هى اللي تختار عاوزة ايه
- البنت الصغيرة اللي أهلها بينقبوها هى أصلًا مفيهاش ملامح أنوثة عشان تخفيها.
- القانون بيجرم زواج القاصرات بس فيه ناس بتزور في سن البنت عشان تتجوز
- وفيه ناس بيجوزوا بناتهم عرفي لحد ما تتم السن القانوني وبعدين يبقى رسمي والمفروض الأم والأب يتعاقبوا.
- فيه شيوخ بتقول كلام غلط زى من حق الزوج يضرب زوجته وفي ناس بتؤمن بأراء الناس دي.
- مبخافش من الموت لإنه راحة وعلاقتي بربنا خاصة قوي وعندي حماية من الله.
- عمرو دياب ذوق جدًا ولطيف وكان بيغني في فيلم السجينات وأنا برقص.
- رفضت إن شخصية الشيخ الشعراوي تتقدم في عمل فني لإنه مش عالم ولا مخترع ولا شخص اكتشف علاج لمرض خطير أفاد البشرية مثلًا.
- خسرت فلوس كتير في الإنتاج أكتر من 50 مليون دولار وكنت عايزة أشتري بيت في لبنان وخسرت فلوسي.
- أنا ضد اللي بتقدمه ياسمين عز لإنها أوفر قوي وبتحقر من شأن المرأة، وبطالب بمقاطعة برنامجها عشان بتقول كلام مش منطقي.
- برنامج الإعلامية رضوى الشربيني حلو وبشيد بيه لإنها كويسة ولذيذة.
