معتزة عبد الصبور تهاجم بيومي فؤاد: "كنت عشمانة إنك تمسك المايك وتطلب تبرعات لأهل غزة"

هاجمت الفنانة معتزة عبد الصبور الفنان بيومي فؤاد بسبب موقفه الأخير من محمد سلام وحديثه عقب الإنتهاء من عرض مسرحية"زواج اصطناعي" بموسم الرياض وانتقاده لقرار سلام بعدم المشاركة في المسرحية تضامنا مع أهالي غزة.

كتبت الفنانة معتزة عبد الصبور عبر صفحتها علي موقع فيسبوك “من ضمن أهداف الفن الكتير جدًا هو الـ entertainment الترفيه إني أرقص وأغني وأخلي الجمهور يضحك، القدرة على دة نعمة وموهبة من عند ربنا يجب أن أحسن استخدامها، الترفيه في حد ذاته هدف نبيل جدًا من الكثيرة للفن، فمش مفهوم خالص بالنسبة لى ليه حد ينفى أنه بيعمل دة وهو دة اللى هو بيعمله بالظبط ويزايد على اللي معندوش القدرة النفسية إنه يعمل دة  في اللحظة دى، والترفيه فى حد ذاته من خلال الفن لا يعيب أى فنان في شيء بالمرة”.

معتزة عبد الصبور تهاجم بيومي فؤاد

وأكملت: "في أوقات الحروب أم كلثوم كانت بتلف مصر والعالم العربي تجمع أموال عشان المجهودات الحربية احنا المصريين حتى اللحظة دي مش في حالة حرب رسميا، ولكننا كشعب مذبوحين كنت احترم حزننا احنا كمان واحترم اخواتنا اللى احنا مذبوحين علشانهم كنت بحترم حضرتك جدًا واحترم اختيارك لو كنت حضرتك اشتغلت وسكت احترامًا لكل شيء ولكل  التوقيت يا فندم التوقيت في توقيت بيبقى قاتل مش بس غير مناسب، ولكن سبب جرح غائر وما هو أكثر فداحة".

وأضافت معتزة عبد الصبور: "أنا كنت طول الوقت ملتمسة العذر إن دي توقيتات عمل ممكن يكون صعب تغييرها ولكن طبعا مش مستحيل وكان كل عشمي إن حضرتك لما تمسك الميكروفون علشان تقول أي حاجة، تطلب طلب بسيط من جمهورك هناك اللي أنا عارفة حجم شعبيتك عندهم، وهو التبرع من أجل غزة والضغط من أجل وقف إطلاق النار وده كان يكفى تماما".

واختتمت: "بالمناسبة، اخواتنا في غزة النهاردة وصل بيهم الجوع أنهم بيلفوا على البيوت يشحتوا لو حد عنده أى شيء زيادة للأكل للأطفال اللى حرفيا بيموتوا وأجهزة جسمهم بتقفل من الجوع والمتوقع أن كل الأطفال اللى أقل من خمس سنوات والعجائز هيموتوا من الـ dehydration العطش والجوع لأن أجهزة جسمهم مش هتتحمل  دة لو مماتوش قبلها بالقصف الجوى قلت أحط المعلومة التافهة دى مع الأستاذ التريند يمكن تلفت ده نظر أي حد”.

إقرأ أيضا: "ميشرفنيش اكون زميلة لك".. كاملة أبو ذكرى تهاجم بيومي فؤاد