"عضني حمار وتعرضت للتنمر وانا صغير".. أبرز تصريحات أحمد حلمي في سولد أوت

تحدث الفنان أحمد حلمي عن لقطات من حياته الشخصية والفنية وتحدث عن طفولته ومشواره الفني خلال لقاءه بالإعلامي محمود سعد ببرنامج “سولد أوت”.

أبرز تصريحات أحمد حلمي 

تحدث حلمي عن طفولته حيث قال حلمي"كنت شقي جدًا في طفولتي وكان عندنا حمار بعربة كارو دايمًا تحت البيت وفى مرة عضنى، وأعتقد إن ده الحمار الوحيد اللى في العالم بيعض، وروحت للدكتور وقالي أنا محدش قالي قبل كده إن عضه حمار، وكنت وأنا صغير  بتنى ودني وأنام عليها فبقى عندي ودن أكبر من ودن".

وعن تعرضه للتنمر قال أحمد حلمي: "فى مرة كنت في فرح بنت خالتى على مركب راسية، وكان في فنان كلنا بنحبه فى الفرح، وأنا كنت في فترة إعدادى تقريبا، وروحنا عشان نشوفه وواقفين قدامه وبنضحك ببراءة كدة، وراح قال لصاحبة الحق ميكي ماوس، طبعا اضايقت جدًا وعمري ما نسيت الحكاية دي خالص، واتعلمت منها إن أي حد جاى يتكلم معاك بدافع الحب مش بدافع شيء تانى أوعى".

تحدث أحمد حلمي عن رحلته من الصفر للنجومية ووصف مشواره الفني بلعبة السلم والتعبان فقال حلمي: "مشواري عامل زي السلم والتعبان سلم يطلعك وسلم ينزلك، وطول عمري بكون عاوز أروح يمين أدخل شمال مش بمزاجي".

وعن لحظة شعر فيها بالحزن قال أحمد حلمي: "للأسف اللحظات الحزينة بقت تتكرر كتير يدأت من يوم 7 أكتوبر لأهلنا في فلسطين، لحظات محزنة وعمر ما عيشتها في حياتي، لأنك عاجز مش قادر تعمل حاجة لحظة مميتة وأتمنى صمود الشعب الفلسطيني وينتهي بالنصر".

إقرأ أيضا:ريهام حجاج تؤدي مناسك العمرة بصحبة زوجها محمد حلاوة