حسن شاكوش يعود للغناء ويعلق: "أى شاب يتمنى شغلتي وأحسن ما أبيع مخدرات"

قرر مطرب المهرجانات حسن شاكوش عودته لطرح الأغاني من جديد، وذلك بعد توقف استمر لشهور تضامنًا مع أهالي غزة، إلى جانب كشفه عن على إمكانية اعتزال الغناء.

قال حسن شاكوش خلال بث مباشر عبر حسابه على انستجرام: "كنا موقفين شغل الفترة اللي فاتت بسبب أحداث غزة، وقولنا مينفعش نشتغل وأخواتنا بيموتوا ميصحش، بقالنا كتير جدًا مابنزلش ولما عملت دعاية لأغنية صحاب ملاعين حصل حوار فلسطين، ولقينا الموضوع بيطول وبيتحول من سئ لأسوأ، فقررنا تأجيلها، ولكن هنزلها كمان كام يوم وهتبقى أغنية زي وداع يا دنيا وداع وشمس المجرة".

حسن شاكوش يعود للغناء بعد توقف

وأضاف شاكوش: "الحزن في القلب وقلبنا معاهم والواحد عمل على قد ما يقدر وغصب عننا ملتزمين بعقود وملتزمين بشغل، وأنا مسجل عند ساسو كتير، وكنت محضر شغل لـ أخواتنا اللي بيحبونا".

رد حسن شاكوش على سؤال أحد المتابعين بشأن اعتزاله، قائلًا: "الهدى حاجة بتاعت ربنا وأنا مبعملش حاجة غلط وأي شاب في الدنيا يتمنى شغلتي، وأحسن ما أبيع مخدرات، الله أعلم بظروف اللي بيبيع مخدرات أو وراه إيه من مسئوليات أو ديون، العذر لكل أخواتي الشباب".

حسن شاكوش يكشف عن رأيه في فكرة الاعتزال 

وتابع حسن شاكوش: "لو أنت مكاني هتقول أنا عايز أغني وعايز الشهرة دي، أنا اجتهدت وتعبت ومتعرفش أنا تعبت ازاي عشان أوصل للي أنا فيه، وموصلتش لحاجة أنا في الأول، لسه المشوار قدامي طويل وعملت نجاح محدش عمله ولا هيعمله، أي حد بيتريق على الغناء يتمنى يبقى مكاني".

واختتم حسن شاكوش حديثه قائلًا: "مفيش مطرب كل الناس بتحبه، ولكن الحمد لله اللي بيحبوني أكتر من اللي بيكرهوني، واللي بيكرهوني لما بيقابلوني في الشارع بيتصوروا معايا، هو ممكن يكون بيشتم من الغل وغيران من نجاحي وإن ربنا كرمني وإني أحسن منه".

اقرأ أيضًا: دفعت 8 ملايين دولار.. التفاصيل الكاملة لاتفاق لانقاذ شاكيرا من دخول السجن في إسبانيا