أيتن عامر: "بلاش نزايد على الناس إحنا لو مشتغلناش هنتحبس".. فيديو

أعربت الفنانة أيتن عامر عن استيائها من الهجوم الذي يتعرض له نجوم الفن، وذلك بسبب ممارسة حياتهم والإعلان عن أعمالهم الفنية الجديدة، في ظل الأحداث التي يشهدها قطاع غزة من قصف ودمار على يد الاحتلال الإسرائيلي.

قالت أيتن عامر، في بث مباشر عبر حسابها الشخصي بموقع إنستجرام: “مش معنى إننا بنمارس حياتنا إننا نسينا القضية الأساسية التي نتحدث عنها، وأنا من شهر ونص من بداية الكارثة دي، وأنا بتكلم عنها لدرجة أن حسابي كان هيتقفل بسبب الحاجات اللي بنشرها طول الوقت”.

أيتن عامر: حسابي كان هيتقفل بسبب منشوراتي عن غزة

وأضافت أيتن عامر: “عايزة أقول إنه على قدر إيماننا بالقضية الفلسطينية ودعمنا لها، يصعب عليّا أن يعلن حد فينا من الفنانين عن عمله ويهاجمه الناس ويقولوا أنت مش حاسس بالناس، طبعًا كلنا متأثرين، لكن ردود أفعالك غريبة لأن دي وظيفتنا والإعلان عن أعمالنا جزء من عقودنا”.

وتابعت أيتن عامر قائلة: “ممكن نهاجم اللي مش بيأيد القضية ولا بيتكلم عنها، لكن ليه نهاجم اللي بيتكلم عن القضية؟ مقدرش أقول متروحوش الشغل ولا تلتزموا بعقودكم، مجرد الإعلان عن عملنا مش معناه أننا نشغل الرأي العام عن القضية الفلسطينية اللي حاصلة دلوقتي”.

واستكملت أيتن عامر: “ليه بتاخدوا موقف قوي تجاه الفنانين؟ مش قادرة أفهم، لو سمحتوا تفهموا أننا ملتزمين وعايزين شغلنا يكمل وميتأثرش، محدش هينفع حد ولا هيحس بحد، كفاية هجوم ومزايدات كل واحد فيه اللي مكفيه، بلاش مزايدات، كلنا شايفين اللي بيحصل والعالم كله بيتفرج مش احنا بس، بس احنا بندعم القضية الفلسطينية، ولكن كمان أفرح بنجاحي لأنني عندي التزامات، ولو توقفت عن شغلي الناس هتقاضيني وهتسجن".

أيتن عامر: بلاش تزايدوا على الناس

واختتمت أيتن عامر حديثها قائلة: “أنا دلوقتي أم مستنية أولادي يخلصوا تدريب، وبعد شوية هصور وبعدها هحتفل بعيد ميلادي، ومش هقول متحتفلوش بسبب الأحداث، ولكن هقول كل عام وأنت بخير وهدعيلهم، بلاش تزايدوا على الناس اللي بتباشر شغلها بشكل طبيعي، الفنان لما بيروج لعمل ده شغله مينفعش يوقفه”.

اقرأ أيضًا: دفعت 8 ملايين دولار.. التفاصيل الكاملة لاتفاق لانقاذ شاكيرا من دخول السجن في إسبانيا