صدقي صخر: "حسيت إني خائن في الحلقة الأخيرة من مسلسل صوت وصورة"

تصدر اسم الفنان صدقي صخر تريند مواقع التواصل الاجتماعي مع عرض الحلقة الأخيرة من مسلسل صوت وصورة، حيث احتل المرتبة الأولى في قائمة الأكثر مشاهدةً على منصة Watch itمنذ بداية عرض حلقاته.

صدقي صخر

كشف صدقي صخر عن تحضيراته للمشهد وقال في بيان صحفي: "حضرت نفسي عاطفيًا لمشهد خيانة أخويا وأنه هو اللي تآمر عليا في القضية القديمة، ودلوقتي هو القاتل وازاى هيكون ده قاسي ومؤلم إن أخو المحامي الشريف هو القاتل".

وتابع: "وده كان تحضيري للمشهد بس الأمر اختلف واحنا بنصور بعد دخلة البوليس للقبض على أخويا ولما قالي: هتسلم أخوك، راح أدائي لحاجة مختلفة حسين إن أنا الخاين اللي هيبيع أخوه، وهو ده اللي أثر فيا ولمسني في التصوير ولقتني بعتذر له واقوله: أنا آسف أنا آسف، وكل ما نعيد المشهد فضل ذلك الجزء هو اللي بيأثر عليا، والدموع بقت أقوى مني وانتهى المشهد بالشكل ده".

صدقي صخر: مبسوط إن المسلسل أثر في الجمهور

أما عن ردود فعل الجمهور، أضاف صدقي صخر: "جتلي ردود أفعال كثيرة أن المشهد مؤثر جدًا ولكن أكثر حاجة طريفة كانت تعليق الجمهور بأنه في ريفو كنت بتعيطنا بسبب مروان وقولنا إن في المسلسل ده مش هيبقى فيه عياط، ولكن حوشت كل العياط في الحلقة الأخيرة فاتبسطت أن المشهد أثر في الجمهور".