آسر ياسين: "شماريخ شبه أفلام الزعيم وأحمد زكي ورفضت أدوار المُدمن فترة طويلة"

كشف الفنان آسر ياسين عن سبب قبوله دوره في فيلم شماريخ، والذي تشاركه بطولته الفنانة أمينة خليل، وذلك أثناء تصريحاته في المؤتمر الخاص بالفيلم، على هامش فعاليات مهرجان البحر الأحمر في جدة.

قال الفنان آسر ياسين: "من ساعة ما بدأت وأنا مركز في حتة اختلاف الأدوار وحاولت في الأول خالص إني مشتغلش مع نفس المخرج كتير، وأتعامل مع ناس مختلفة وأتعلم مدارس إخراج جديدة".

آسر ياسين عن فيلم شماريخ

وأضاف آسر ياسين: "لما جسدت دور مدمن مع عمرو سلامة في فيلم زي النهاردة زمان، بعده اتعرض عليا دور مدمن تاني بس رفضته، بس عملته تاني في فيلم أسوار القمر، لكن كان ظروفه مختلفة وتناول الشخصية كان بشكل مختلف، بس بالنسبالي كل دور عملته مختلف عن اللي قبله".

آسر ياسين: فيلم شماريخ شبه أفلام عادل إمام وأحمد زكي

وتابع: "بحاول أعمل الدراما والأكشن والكوميدي، ولو في نوع أنا لسه معلمتوش هبقى عايز أعمله، وبالنسبة لفيلم شماريخ أول ما عمرو بعتلي آخر مسودة لقصة فيلم شماريخ، حبيت القصة والعلاقة والرحلة اللي هو بيخوضها هو والبطلة، وحسيت إن الفيلم فيه حاجة من الأفلام اللي إحنا اتربينا عليها، أفلام عادل إمام وأحمد زكي".

فيلم شماريخ

فيلم شماريخ من بطولة الفنان آسر ياسين، أمينة خليل، آدم الشرقاوي، الراحل مصطفى درويش، وعدد آخر من الفنانين، والعمل من إخراج عمرو سلامة.

اقرأ أيضًا: تفاصيل الأيام الأخيرة في حياة صلاح شقيق شريف رمزي.. أصيب بمرض خطير