فرح الزاهد: "السوشيال ميديا بتجيب اكتئاب وراضية عن نفسي في فيلم عصابة عظيمة"
كشفت الفنانة فرح الزاهد عن تأثير السوشيال ميديا السلبي عليها، إلى جانب حديثها عن كواليس مشاركتها في فيلم عصابة عظيمة مع الفنانة إسعاد يونس، والذي تم عرضه مؤخرًا في السينمات.
قالت فرح الزاهد خلال لقائها في برنامج الستات: “السوشيال ميديا بتجيب اكتئاب، وعلى الرغم من إنه في أوقات بنتستفاد منها، لكن فيه أوقات بتجيب اكتئاب فظيع، ومفيش حد بيحب ينشر بوست عن الفشل بتاعه، ولذلك بتشوفي كل الناس ناجحة، والناس بتقيس على ده حياتها، وأنا حتى معنديش فيس بوك لكن عندي انستجرام بس”.
فرح الزاهد عن فيلم عصابة عظيمة
أما عن مشاركتها في فيلم عصابة عظيمة مع إسعاد يونس، قالت: “أنا دايمًا بشوف عيوبي، وفي فيلم شوجر دادي أول تجربة سينمائية ليا الناس اتبسطت وقالوا كنتي حلوة ولذيذة لكن أنا شفت حاجات الناس ما شافتهاش، ومش بحب اسمع المجاملات، بدور على الحاجة اللي مش مظبوطة وأظبطها، واتعلمت من أخطائي في شوجر دادي في عصابة عظيمة، وأهلي أعجبوا جدًا بأدائي، وسألتهم عن الحاجة اللي مش عاجباهم وأنا راضية عن نفسي في الفيلم، واكتشفت أني بحب أعطي أوي”.
واختتمت فرح الزاهد حديثها قائلة: “اتعلمت إن الممثلين الضعاف بيدوا مشاعر كتير في مشهد، والممثل القوي بيتحكم في مشاعره، وده اتعلمته من إسعاد يونس، وفي مشهد ماستر سين بيني وبين كريم عفيفي ده ممكن أعيط فيه من أوله لآخره، لكن المخرج وائل إحسان قالي سيطري واكتمي العياط، ولما عملت كده الناس قالوا طلع أحلى من لو كنت عيطت فيه من أوله لآخره”.
اقرأ أيضًا: مروان حامد: فيلم عمارة يعقوبيان كان مسئولية.. والزعيم أعطاني ثقة كبيرة
