"الحمد لله واقف على رجلي".. أحمد ثروت يؤدي مناسك العمرة

شارك  أحمد ثروت نجل الفنان محمد ثروت، اليوم، جمهوره ومتابعيه، مجموعة من صوره أثناء تأدية مناسك العمرة، وذلك عبر حسابه الشخصي بموقع “إنستجرام”، وكتب معلقا: “الحمد لله الذي رزقنا إتمام العُمرة، اللهم تقبلها منا يارب العالمين”.

نجل الفنان محمد ثروت

وأضاف: “أكتر حاجة كان نفسي أعملها وأنا واقف علي رجلي إني أزور بيت ربنا وأعمل العمرة، والحمد لله تمت النهاردة كذا مرة في خلال السنة الي فاتت وأنا عالكرسي تترتب وعلى آخر لحظة يحصل مانع صحي ليا إني أروح، كأن ربنا بيأجلها وحابب يفرحني أكتر وأكتر إني أروح بيته وأنا واقف على رجلي مش على كرسي وإني أكون فهمت رسالته ليا السنة اللي فاتت دي كلها”.

وتابع أحمد ثروت : “أنا جيت أشكر ربنا على الخير اللي أنا فيه دلوقتي، حتى لو مش متعافي ١٠٠٪ بس الحمد لله إني خفيت وعايش وراضي ومبسوط وأهلي حواليا، معاني تبدو بسيطة بس فيها بركة من ربنا والبركة مش الفلوس ولا النجاح.. البركة في أن يعدي شهر واتنين وتلاتة وسنة.. وانت مش مضطر تروح للدكتور لأن ربنا مبارك في صحتك أو تاكل أكله نفسك فيها من غير ما تتعب أو تروح حتي الحمام من غير مساعدة حد”.

وأشارت: “الخلاصة، خليك مؤمن ان ربنا مش بيسيب حد بيحبه ولما بتؤمن من جواك بيعوضك ويخليك ناسي أنت خسرت إيه .. وربنا يكتب لكل المسلمين زيارة بيته الحرام”.

جدير بالذكر أن أحمد ثروت نجل الفنان محمد ثروت كان قد تعرض لأزمة صحية شديدة، أثارت قلقل الجمهور عليه وذلك خلال الشهور الماضية.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة