محمد عطية: كنت بستنى عمرو دياب 8 ساعات عند الاستوديو
قال الفنان محمد عطية، أن مشاركته في برنامج ستار أكاديمي، تعتبر نقلة كبيرة في حياته على المستوى الفني والمادي، كما كشف عن محاولاته في الوصول إلى الفنان عمرو دياب وتامر حسني.
قال محمد عطية في تصريحات إذاعية له: “برنامج ستار أكاديمي زي ما كان نعمة في وقت، برضو كان نقمة في وقت من الأوقات، لأن الجمهور اتعلق بالشخصيات مش بالأعمال الفنية، ولما خرجت من الأكاديمية الجمهور كان مستني أغاني على الشخصية اللي شافتها في البرنامج، وكانوا عايزة أغاني على مستوى عمرو دياب، يا جماعة إحنا مش قده هو قعد 20 سنة خبرة”.
تصريحات محمد عطية
وتابع: “أنا بدأت مؤخرًا اكتسب خبرة، لأني مريت بنجاحات وفشل وبدأت اختار كويس، أنا روحت ستار أكاديمي شاب من طنطا بسيط، ورجعت مصر الناس كلها عارفاني وكنت مخضوض جدًا”.
وأضاف محمد عطية: “حاولت اشتغل كتير، وكنت بستنى عمرو دياب عند الاستوديو 8 ساعات ومعرفش أشوفه، وتامر حسني كنت بستناه عشان أسمعه أغنية، وأنا دلوقتي محظوظ إني عديت بالمشوار ده وفي النص جه ستار أكاديمي اللي غير حياتي كلها، وتامر حسني بقا يكلمني وعمرو دياب عارف اسمي”.
