لقاء الخميسي: "أمي مسيحية وكانت بتصوم رمضان والمسلم زى المسيحي"

علقت الفنانة لقاء الخميسي عن الجدل المثار حول ديانتها خلال الفترة الماضية، وذلك بعد حديثها عن كونها مسلمة بالوراثة.

قالت لقاء الخميسي خلال لقاءها في برنامج "أسرار" مع الإعلامية أميرة بدر: “أنا مسلمة، أبويا مسلم وأنا مسلمة، ومعنى كلمة مسلمة أني أسلمت قلبي لـ الله، كل واحد جواه ربنا، شايف ربنا إزاي ومعتنق ديانة إيه دي تخص كل واحد متخصش حد تاني، وأنا شايفة أن كل الأديان بتعرف ربنا، ووالدتي مسيحية، وأمي عمرها ما دخلتنا في القصة دي”.

تصريحات لقاء الخميسي حول ديانتها

وتابعت لقاء الخميسي: “أمي مسيحية وكانت بتصوم معانا رمضان وتصحينا نصلي الفجر، هي بتصلي لـ ربنا بطريقتها وروحت معاها كتير الكنسية وصليت، وهي نفس الصلاة لكن الطقس مختلف، والمسلم زي المسيحي زي اليهودي، والناس مش شايفة كده وكل واحد عنده أفكاره، أنا قرأت في التاريخ والدين كتير جدًا”.

وأضافت لقاء الخميسي خلال اللقاء: “مفيش فروق بين الأديان هو نفس الكلام، إحنا محتاجين نعرف ربنا، إحنا جزء من ربنا، مش بيقولك ونفخنا فيه من روحنا؟.. الطبيعي نطلع مسلمين يعني أسلمنا قلبنا بـ الإله، يبقى كلنا زي بعض”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة