مريم سعيد صالح: “محمد سامي هددني عشان أكمل مسلسل نسل الأغراب”

كشفت الفنانة مريم سعيد صالح، عن تفاصيل أزمتها مع المخرج محمد سامي، في مسلسل “نسل الأغراب”، الذي تم عرضه في موسم رمضان 2021.

قالت مريم سعيد صالح خلال لقائها مع الإعلامية إنجي هشام، في برنامج “المنسي”: “كملت تصوير مسلسل نسل الأغراب علشان محمد سامي المخرج هددني إني هدفع مليون جنيه تمن يوم التصوير، وده كان تاني يوم تصوير ليا وتعثرت شوية في المشهد لإن اللهجة صعيدي وصعبة، وأنا اضطريت أكمل في العمل لإن أجري أصلًا كله كان 50 ألف جنيه، هقدر أدفع مليون جنيه؟ منين؟”.

أزمة مريم سعيد صالح في مسلسل نسل الأغراب

وأضافت مريم سعيد صالح: “محمد سامي كان له الفضل عليا في حاجات كتير قبل كده، ومش معنى إن حصل مشكلة إني أسلب فضله عليا في الحاجات اللي شغلني فيها قبل كده، ولكن هو تعامل معايا بطريقة لا تليق، وهو اعتذرلي في اللوكيشن وطيب خاطري”.

واختتم حديثها قائلة: “أنا لما اشتكيت مكنش رسمي، أنا كنت برد على تعليق حد أنه راح له اللوكيشن وكان بيزعق، قولتله متزعلش هو عصبي وساعات بيسب من ضغط الشغل، وحد ابن حلال خد سكرين واضطريت إني اتكلم وقولت اللي حصل بالأمانة”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة