بيومي فؤاد: "طلبت مشوفش محمد سلام في كواليس الكبير وكلمته وقت المسرحية"
تحدث الفنان بيومي فؤاد، عن دفاعه عن الفنان محمد أنور بسبب فيديو محمد سلام، وعن الحالة النفسية الذي تعرض لها بعد أزمة المسرحية في السعودية.
قال الفنان بيومي فؤاد خلال لقاءه في برنامج “حبر سري”: “أنا كبير محمد سلام والمرجع بتاعه، وكلمته لما اعتذر عن المسرحية وقالي أنا مش قادر انت شايف الأطفال اللي بتموت، وقولتله بدعي ليهم قبل ما بدعي لأولادي وده أكل عيش وفي ناس كتير بيوتهم مفتوحة من الحاجات دي”.
تصريحات بيومي فؤاد
وتابع بيومي فؤاد: “طلبت إني مقابلش محمد سلام في كواليس مسلسل الكبير أوي 8، وفي مشاهد اتعاد كتابتها عشان منتقابلش وهو اتسبب في اللي حصل لمحمد أنور ومطلعش دافع عنه، وأنا كنت محروق على محمد أنور”.
واستكمل: “اللي شتمني هنتقابل في المحاكم ومش هشتم حد وعشت أصعب 5 أيام في حياتي، كنت أنا ومراتي في السعودية وأولادي كانوا في مصر، واكتشفوا إن المقربين مننا بيشتموا فيا وده كان صعب علينا، أنا فرحان إني عيطت وإحنا بتوع فلوس.. شالوا جملة أنا فنان مصري وليا الشرف بكرة هيبان الحق أى دفاع عن نفسي هيكون إدانة لـ محمد سلام”.
اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"
