اتظلمت كتير اوي.. كزبرة يرد على انتقادات تكريمه من الجامعة البريطانية
علق مطرب المهرجانات كزبرة على الانتقادات الموجهة له بسبب تكريمه من الجامعة البريطانية، وذلك خلال منشور على صفحته الشخصية على فيسبوك.
رد كزبرة على منتقديه
قال كزبرة:" البوست ده في ناس كتير عمله شير عليه وزعلانين اني بتكرم ومش حبين اني اتكرم وان في ناس اكتر مني تستحق .. أولا أنا أقل خلق الله وفعلا في ناس اكتر مني بكتير تستحق بس انا مش عايزك تحكم عليا من بعيد او ان انا شخص تريند وجت معايا صدفة".
وأضاف كزبرة: "انا راجل اجتهدت وتعبت واتظلمت كتير اوي ومكنتش بيأس وكنت حاطط ربنا طول الوقت قدام عنيا وكنت عارف إن هيجي يوم وربنا هيفرجها وهيعوضني والحمدلله حصل ورضي ربنا عليا كان اكتر مكنت اتوقع".
تكريم كزبرة
وتابع كزبرة: "وفعلا لكل مجتهد نصيب وانا اجتهد في ليه في ناس مستكتره عليا الفرحة وطول الوقت شايفين اني شخص مستهلش اي حاجة عامةً ربنا يسامح اي حد بيقول عليا كلمة مش صح وربنا يدي كل واحد علي قد نيته وان شاء الله الفترة الجاية هتكرم في كل انحاء العالم".
وأنهى كزبرة منشوره بنصيحة: "وبس نصيحة مني لكل بنادم فاضي ومركز مع غيره اتمني تركز مع نفسك وفي شغلك وحب الخير لغيرك وصدقني محدش هياخد رزقك بس انت اجتهد وحب عملك وارضي بالمكتوب".
اقرأ أيضاً:أخيرًا مش شريرة".. ناردين فرج تكشف تفاصيل شخصيتها في مسلسل "لحظة غضب"
