13 أغنية.. رامي جمال يطرح ألبومه الجديد "خليني أشوفك" على "يوتيوب"
طرح المطرب رامي جمال ألبومه الجديد “خليني أشوفك” عبر قناته الرسمية على موقع الفيديوهات “يوتيوب”، وذلك بعد أن كان قد كشف قبل ذلك عن أغنيتين من الألبوم وحققا نجاحًا كبيرًا.
ألبوم رامي جمال الجديد
أغنية عادي أنساك
أغنية “عادي أنساك” من كلمات عمرو حسن، ألحان مصطفي العسال، والتوزيع الموسيقي محمد مجدي، وميكس وماستر محمد مجدي، وتقول كلماتها: “وعادي انساك ولو حتى الزعل طوّل وحبي لدنيتي اتحوّل ولو هارجعها م الأول وهاعمل دنيا من غيرك رصيدي معاك طلع بالصفر وانا سايبك ولو شوفت الحنين جايبك هتاخد م الوجع نايبك وبرضه اهو كله من خيرك ما قبلك ناس كتير عدت ماشوفتش دنيتي اتهدِّت وبعدك ناس هتنسانا وترمي الحزن جوانا واجعني بس أوقاتنا وشوارعنا وحكاياتنا وغنوه ف يوم سمعناها وشيلت مشاعري جواها مافيش أحزان مابتعديش أكيد هتموت وانا اللي هعيش.. تفوت أيام وانا اللي حسبته مش هيمُر هيبقى زي خيط بيكُر وزي ما وقت عدى بمُر هييجي وقت هفرح فيه نويت قدام أدوّر ع اللي ضاع مني وناس بعيوبي حابينني وهلقى ناس مقاسمينّي ف أي طريق نويت امشيه”.
أغنية انت مين
أغنية “انت مين” من كلمات أحمد المالكي، ألحان محمدي، والتوزيع الموسيقي محمد مجدي، ميكس وماستر محمد مجدي، وتقول كلماتها: “انت مين بقيت أنا بشوفك غريب حد مش واضح مُريب خليت مشاعري يقلوا بالتدريج ويوم عن يوم إيديا تسيب لا بقيت بترضيني ولا اللي أنا فيه يبقيني وعيشتي معاك بتأذيني وقلبي حزين وبقيت واحد تاني بيبقي سعيد في أحزاني وكل الدنيا شايفاني كبرت سنين انت مين اهو الوش التاني بان وإتفاجئت ان الحنان تمثيل وسقفه كبيره للفنان كدبت عليا صح زمان انت مين أنا هقولك بإختصار أناني جه علي حقي جار وبخيل بتاخد فرح تدي مرار هسيبك أيوه خدت قرار”.
أغنية شاهد الله
أغنية “شاهد الله” من كلمات عمرو تيام، ألحان مصطفي العسال، التوزيع الموسيقي محمد رئيس، وميكس وماستر محمد مجدي، وتقول كلماتها: “طمنني ليه بأفعال كتير وشيلته سنين ف عيني خلاني اقول أنا لو بموت بروحه ده هيفديني دخل راسم وش الملاك وشاف الخير كله معايا قاللي أضحي بعمري فداك ففرضت أنا حسن النوايا شاهد الله عاللي شوفناه ايام ربي ما يعودها تاني منه اكتفيت ياما اتأذيت ده خان وعوده وكان أناني أي إحتمال تاني لرجوع خلاص بره حساباتي خلص خلاص كل الفرص اللي تخليه ف حياتي كان كل همي اني ارضيه ومكانش هاممه الا حاله دلوقتي قلبي داس عليه ف حياتي ناس كتير بداله”.
أغنية قولي آه
أغنية “قولى آه” من كلمات عمرو يحيى، ألحان مصطفى العسال، والتوزيع الموسيقي أدهم دهيمه وإلهامي دهيمه، وميكس وماستر أحمد حسام، وتقول كلماتها: “قولِي آه ،قولِي آه ،ويالا إتوكلي علىٰ الله ده أنا كل اللي بـ أتمناه ،أكون وياكي وأهواكي وأعيش بِهواكي أحلىٰ حياة ..يالا إتوكلي علىٰ الله قولِي آه ،قولِي آه ،ويالا إتوكلي علىٰ الله وقلبِك خلّي قلبي معاه ،ده فيكي حلاوة بـ حلاوة بجد نقاوة ما شاء الله يالا إتوكلي علىٰ الله ده أنتي اللي نور العين مش واحدة لأ الإتنين ده إنتي اللي قلبك خطفني ولا علىٰ بالي غيرك إنتي ما شغلنيش ما تيالا بينا نعيش ده العُمر لحظة هعيشها ليكي وعيشيهالي قوليها طمنيني إني هبقىٰ بخير قوليها قربيلي وإبقي وش الخير ده وجودي معاكي هيبقىٰ أحلىٰ ما فـ حياتي.. قولِي آه ،قولِي آه ، ويالا إتوكلي علىٰ الله ده حُبك عِشت بستناه هكون فرحِك وأحلامِك وإحساس حلو قوي عايشاه يالا إتوكلي على الله قولِي آه ،قولِي آه ويالا إتوكلي علىٰ الله ده قلبي هـخطفِك جواه وجوه عيوني هتكوني وقلبِك يبقىٰ همي رضاه يالا إتوكلي علىٰ الله”.
أغنية ذكريات هوانا
أغنية “ذكريات هوانا” من كلمات وألحان رامي جمال، والتوزيع الموسيقي والميكس والماستر وسام عبد المنعم، وتقول كلماتها: “ذكري ذكريات هوانا عاشوا ف حكايات معانا فينهم من زمان حبايب زمان خساره اللي كان اهو راح وامانه هترد روحي تاني بلقانا خلي القمر ده يجي في سمانا وارجع واعيش حياتي تاني مع العايشيين وامانه هترد روحي تاني بلقانا خلي القمر ده يجي في سمانا هفضل حياتي كده مستني الغايبين عدي علي الفراق حوالي ست سبع سنين في بالي نفسي أقول نسيت و شكلي اتنسيت و قلبي مهوش مرتاح”.
أغنية هنسى اسمك
أغنية “هنسى اسمك” من كلمات جمال الخولي، وألحان رامي جمال، والتوزيع الموسيقي وسام عبد المنعم، وتقول كلماتها: “ده مش اكتئاب دي حاله بتيجي بس مع اول غياب ولا ده احتياج كل الحكايه دي بس أعراض انسحاب إياك تشك ف قوتي علي حبي ليك هقدر عليه الحب ده و هقدر عليك مش بس هنسي أن انت كنت ف يوم حبيبي ده أنا هنسي اسمك و انت هتفكرني بيه قصر الكلام هتعافى و ارجع تاني من غيرك تمام واهو كله خير يومين تلاته واهدا و اتحسن وانام إياك تشك ف قوتي علي حبي ليك هقدر عليه الحب ده و هقدر عليك مش بس هنسي أن انت كنت ف يوم حبيبي ده أنا هنسي اسمك و انت هتفكرني بيه”.
أغاني ألبوم رامي جمال الجديد
أغنية بيكلموني
أغنية “بيكلموني” من كلمات مودي نبيل، وألحان فارس فهمي، والتوزيع الموسيقي وسام عبد المنعم، وميكس وماستر وسام عبد المنعم، وتقول كلماتها: “بيطمنونى الناس عليه بيكلمونى أخباره لسه بيوصلونى من قلبى ببعتله السلام وبيسألونى أيامه لسه بيوحشونى بالغالى لما يحلفونى انا ببقى متطمن أوام بيصبرونى كام صوره لينا يعوضونى عن طول غيابه عن عيونى مبقتش متحمل حرام وف بالى كلام جوايا بشيله ونفسى أحكيله ونرجع زى زمان انا عيشت أدعيله ولسه باقيله بجد ف قلبى مكان معرفش ظروفه ولما ها أشوفه اللهفه عليا تبان.. شاهده الأيام وسنين إخلاصى دى على أحساسى وعمره عليا ما هان مانسيتش دقيقه ب أى طريقه ونفسى أرجعله عشان حنيت ف غيابه وقلبى اهو سابه محسش أى أمان بيأكدولى عنى أن سألهم هايقولولى طول بعده انا عايش ب طولى والأسم اهو عايش والسلام وبيوعدونى وانا نفسى بس يريحونى وفى مره صوته يسمعونى وأهم حاجه يكون تمام”.
أغنية سوء تفاهم
أغنية “سوء تفاهم من كلمات هاني أبو النجا، ألحان غريب، التوزيع وميكس وماستر أحمد حسام وإلهامي دهيمه، وتقول كلماتها: "كان مابينا سوء تفاهم خادله اكتر من يومين كان محدش فينا فاهم هو مين غلطان في مين كله شاف التاني ظالم و احنا الاتنين مظلومين من يوميها الوقت واقف كل ليله مفيش جديد انشغلت عليها عارف حالها لما بكون بعيد تحت بيتها روحت واقف بس أشوفها من بعيد نور اوضيتها لاقيته والع زي ما توقعت صاحيه صمت سايد و اللي طالع صوت أغاني حزينه هاديه خت وقت كتير متابع باهتمام و فضلت سامع اللي عاوزه تقوله ليا ابتدا يوجعني قلبي ابتدت تصعب عليا قد ايه غلط نفسي جبت كل اللوم عليا كل ده أنا عامله فيها شكلي فعلا جيت عليها جاتني امتي القسوه ديه افتكرت ودار في بالي الف حاجه حلوه ليها شئ بديهي ولا ارادي اتصلت بسرعه بيها كلمه واحده قالتها راضي رحت ضاحك ومراضيها ارتحت لما سمعت صوتها راحه كنت مش لاقيها وفي غيابها وبعدي عنها حاجه واحده طلعنا بيها غلطه واتعلمنا منها خدنا أصعب درس فيها".
أغنية أهو
أغنية “أهو” من كلمات عمرو تيام، وألحان مصطفي العسال، والتوزيع أحمد حسام إلهامي دهيمه، وتقول كلماتها: “العيون دي خيال ولا دي حقيقه هو في كده جمال دوبت في دقيقه حسنه ده سحرني عقلي طار مني والليله هغني أهو أهو أهو حبيب القلب أهو اللي مدوبني فيه أهو أهو معلق روحي بيه و ليه هعيش عمري أهو أهو أهو حبيب القلب أهو اللي مدوبني فيه أهو أهو معلق روحي بيه وليه هعيش عمري الكلام خلصان عايزه أنا معايا روحه حلوه كمان ضحكته حكايه عدي من جنبي خد معاه قلبي والليله هغني أهو أهو أهو حبيب القلب أهو اللي مدوبني فيه أهو أهو معلق روحي بيه و ليه هعيش عمري”.
أغنية قلبي خام
أغنية “قلبي خام” من كلمات عمرو تيام، ألحان عمرو تيام، التوزيع الموسيقي أمين نبيل، وميكس وماستر أمين نبيل، وتقول كلماتها: "كنت مخلص وشاري لحد النهاية وإنت فاكر ده ضعف عشان قلبي خام بس دلوقتي قلبي قفلته كفايه ليه أكمل وأدوس على نفسي حرام وليه فرصة تاني ده قربك أذاني مفيش حتى ذكرى باقيالك بخير
سنين وإنت جاحد بتظلمني قاصد وأنا كنت ببقى وأفوت كتير شوفت خير مني شوفت أنا شر قصاده كان شعارك أنا وبعد مني الطوفان إيه اللي خدته أنا غير كوم جراح فيا زادوا ده إنت واحد مكانش ليك أصلاً أمان".
أغنية أوقات
أغنية “أوقات” من كلمات مصطفي ناصر، ألحان غريب، والتوزيع الموسيقي وميكس وماستر إلهامي دهيمه أحمد حسام، وتقول كلماتها: “لو كان ينفع نتقابل مره كمان كانت رجعت للدنيا الألوان كان عدي عليا العمر جميل لسنين علي حطة قلبك ليا سنين بتخيل عايش بعدي لمين وبخاف كل اما بيجي الليل انا لسه اهو ف مكاني لا عرفت حد تاني ولا عرفت انساك بستني كل ليله ليله أعيشها معاك أنا حالي لسه حالي موجوع فوق احتمالي وانت عني بعيد كل اما أداوي جرح ألاقي جرح جديد أوقات بلاقيني حكيت عنك حكايات وكأن مافيش في الكون مسافات وكأن البعد ما بينا مجاش لا والله ماجاش وبموت كل اما بلاقي الرد سكوت خايف لا العمرعلينا يفوت و ألاقيني أنا وقلبي ما عيشناش لسه ماعيشناش انا لسه اهو ف مكاني لا عرفت حد تاني ولا عرفت انساك بستني كل ليله ليله أعيشها معاك أنا حالي لسه حالي موجوع فوق احتمالي وانت عني بعيد كل اما أداوي جرح ألاقي جرح جديد”.
أغنية فستانك أبيض
أغنية “فستانك أبيض” من كلمات أسامه خلف محمد محرز، وألحان محمد شحاته، والتوزيع الموسيقي وميكس وماستر محمد مجدي، وتقول كلماتها: “دلوقتي حبيبتي أنا جنبك من بعد ثواني هكون ليكي فستانك أبيض لون قلبك والدبله بتنطق في ايديكي إضحكي دي الصوره اللي فضلنا أنا وانتي سنين نحلم بيها الصوره اللي هتفضل ذكري لحكايه حب هنحكيها قربي شوفي نفسك في عنيا شوفي حلوه ازاي أجمل من كل اللي اتكتبوا عنهم أساطير طولي في الحضن اللي هعيشلك فيه عمري الجاي طولي ده انا عندي كلام عنك لعنيكي كتير إيدي في إيديكي وأهي الغنوه اللي اختارتيها أنا مش ناسي أنا شايف فيكي سنين حلوه في عنيكي لقيت اهلي وناسي ايه أجمل من اللي معاكي شايفه أحلم أنا ليه وبإيه تاني احساس الفرحه أنا مش عارفه و أتاريكي لفرحتي واخداني”.
أغنية بضيع وقت
وآخر أغاني ألبوم رامي جمال الجديد، أغنية “بضيع وقت” من كلمات عادل السيد، ألحان وتوزيع فارس فهمي، وميكس وماستر محمد مجدي، وتقول كلماتها: "بضيع وقت أنا و أنت و إيه هيفيد محدش فينا م الأخر حاسس بأمان ولو في جرح في قلوبنا آديه بيزيد ولو قولنا إللي جوانا الوجع هيبان أنا رأيي منستناش مادام مع بعض ما أرتحناش ولو سألوا نبعد ليه ..نقول لسه نصيب ده مجاش حكايتنا خلاص مفهاش لا مجني عليه ولا جاني حاولنا كتير ومقدرناش محدش راضي بالتاني هسيبك يعني أنا مضطر و مش بتمني ليك الشر وبدعيلك تلاقي البر وتنسي بسرعه أحزاني بنتحمل وطول الوقت بنحاول و بنجمل لكن فعلا بقت صعبه إننا نكمل ومين كان نفسه يعني نسيب وهنسلم تعبنا أنا وأنت في الآخر وهنسلم حرام نفضل سنين تانيه بنتألم لازم نرضي وخلاص ده نصيب".
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
