فيفي عبده لجمهورها: عندي 25 سنة ومبسوطة إن ربنا بيحبني
تحدثت الفنانة فيفي عبده مع جمهورها بشأن الصلاة، ووجهت له رسالة بضرورة المحافظة عليها ليروا مدى التغير في حياتهما، مشيرة إلى أنها لم تحصل على شهادة دراسية ولكنها تعتبر شهادة الحياة هى الأهم.
قالت فيفي عبده من خلال بث مباشر عبر صفحتها على "انستجرام": "أنا مستغربة إني بقيت بنسى كتير رغم إني صغيرة وعندي 25 سنة بس يعني لسه في عز شبابي وبحمد ربنا كل يوم على النعم اللي في حياتي والحمد لله إن ربنا بيحبني".
تصريحات فيفي عبده
وتابعت فيفي عبده: "أنا بحمد ربنا إني كويسة على طول، وبنصح كل الناس إنهم يصلوا، الصلاة دي أهم حاجة وهتشوفوا بعدها حياتكم هتكون حلوة إزاي، وبدعي ربنا يحفظ لي بناتي وأحفادي على طول".
وتطرقت بالحديث عن عدم استكمالها لتعليمها، وقالت فيفي عبده: "بالنسبالي شهادة الحياة بتفرق كتير عن الشهادة المدرسية، أنا مخدتش أى شهادة ولكن معايا شهادة الحياة لأني لفيت كتير وتعبت، وبناتي أخدوا شهادة المدرسة، أنا تعبت في حياتي ومريت بحاجات كتير وزمان كنت برقص 15 ساعة بس في اليوم غير المسلسلات".
