فضحني وداس على كرامتي.. طليقة حسن شاكوش تنهار على الهواء وتقول: حقي هاخده بالقانون

انهارت ريم طارق طليقة حسن شاكوش من البكاء على الهواء مباشرة، كاشفة ما تعرضت له من قبل طليقها وهو حرمانها من حقوقها، وأنها سوف تتخذ جميع الإجراءات القانونية لأخذ حقوقها منه.

كشفت ريم طارق طليقة حسن شاكوش خلال لقاءها مع الإعلامية بسمة وهبة حقيقة الفيديو الذي نشرته مؤكده أنها حصلت على حقوقها، قائلة: "هو بيقول إني اعتذرتله أنا معتذرتش ومقولتش إني مشوفتش منه غير كل خيرالفيديو ده أنا عملته عشان أخد لبسي وأبين للناس اللي اتدخلوا إني صادقة".

طليقة حسن شاكوش: فضحني وداس على كرامتي بالجزمة

وأضافت طليقة حسن شاكوش: "هو خدعني لتالت مرة فضحني وجرسني وشهر بيا واتكلم عليا وقال إني فيا أمراض وداس على كرامتي بالجزمة، كل ده قصاد ايه عشان الناس تقول إني بعتذر، أنا اعتذرت لمامته بس لإنها ست كبيرة وملهاش علاقة بالموضوع، وهو شخص مش مصدر ثقة وأنا هاخد حقي بالقانون".

وتابعت ريم طارق طليقة حسن شاكوش: "أنا عملت الفيديو من ورا أهلي عشان مكانوش موافقين وعملت كده عشان معرفش إن أهله هيدولوا الفيديو لإن ده مش مصدر ثقة لأى حد، واداني المفتاح وقالي تعالي خدى هدومك ورحت معرفتش أدخل، وأنا رافعة قضية نفقة وقضية عشان القايمة وقضية كمان مش هتكلم فيها واللي معايا هعرف أجيب بيه حقي".