بيومي فؤاد : عادل إمام نصحني.. وبخاف أختار أدواري المنتجين يزعلوا

كشف الفنان بيومي فؤاد الكثير من الأسرار خلال مشواره الفني، إلى جانب حديثه عن النصيحة التي وجهها له الزعيم عادل إمام.

ووضح بيومي فؤاد سر اختياره أدواره الفنية أثناء لقائه في برنامج يحدث في مصر الذي يقدمه الإعلامي شريف عامر الذي يعرض على شاشة قناة MBC مصر قائلًا: "عمري ما اشتغلت حاجة دون المستوى من أيام ما كنت بعمل جمعية عشان أدخل عيالي المدرسة، وبخاف أختار أدواري عشان المنتجين ميزعلوش".

تصريحات بيومي فؤاد

وأضاف بيومي فؤاد قائلًا: "البطولة الجماعية دي شيء جميل جدًا، وبقولهم دايمًا لا أنا بطل ولا نجم، وأنا مرضي باللي أنا فيه، دوري في فيلم وش في وش هو الأقرب ليا، وكان أصعب دور قدمته وراهنت على نجاحه".

وتابع بيومي فؤاد قائلًا: "أدعي أن الكوميديا دي لعبتي وبيتقال إني شاطر فيها، وأنا اتشهرت على كبر وعمري ما حلمت باللي وصلت ليه ده".

وتحدث بيومي فؤاد عن أشرف زكي قائلًا: "أشرف زكي كان بيتريق عليا زمان، وكان بيقولي أنا بشوفك ببدلة واحدة في 6 مسلسلات".

وعن نصيحة عادل إمام له قائلًا: "أستاذ عادل إمام قالي خلي لأ في قوة أيوة، بس بصراحة أنا مش عارف أقول لأ".

وكشف بيومي فؤاد عن أعماله القادمة قائلًا: "أنا بيتعرض عليا 5 أفلام حاليًا، ولسه في 3 أفلام هيتعرضوا عليا".

وعن المسرح قال بيومي فؤاد: "المسرح مهما عظم جمهوره، مش هيكون زي السينما والتلفزيون".

كما أعرب بيومي فؤاد عن حبه لكرة القدم وتحدث عن سفره للخارج قائلًا: "الكورة دي نعمة كبيرة، لأنها بالنسبة لملايين الناس وليا متنفس السعادة، وأنا أهلاوي وأتمنى عودة الزمالك، وفي ماتش الأهلي اللي جاي عندي تصوير فيلم الإسكندراني، وطلبت منهم يوفروا ليا شاشة عشان أتفرج على الماتش، أنا سافرت للخارج عشان أخس لأني برفض العمليات اللي بتساعد على التخسيس".