رد فعل الجمهور على النهاية الغريبة لمسلسل سفاح الجيزة بين النقد والإعجاب
تفاعل الجمهور بشكل كبير على مواقع التواصل الاجتماعي، على الحلقات الأخيرة من مسلسل سفاح الجيزة، حيث كانت الآراء بين من انتقد نهاية المسلسل، وبين من أعجب بها، كما اشادوا بأداء أحمد فهمي، ليتصدر المسلسل التريند على موقع "X".
تعليقات الجمهور
فجاء البعض كالآتي "المشهد دا يستاهل اوسكار وحقيقي مش أي كلام، اللي شاف المشهد وركز فيه هو اللي هيعرف التحول الرهيب، في وش أحمد فهمي وقد إيه هو حس أنه مفيش حاجة عملها، إلا وكانت في مصلحة أمه بس هي بتغلطه بس بصراحة صعب عليا".
-"مين دا يا جماعة وظهر ليه.. حدث غامض مالوش معنى حرفيا".
-"أحمد فهمي بيعيد اكتشاف نفسه بعدما كان حصر نفسه في الأدوار الكوميدية التافهة، مع أنه ممثل شاطر ومن أفضل الممثلين في جيله".
-"المسلسل حلو بس مفهمتش آخر مشهد".
-"مش عارف حاسس أن النهاية مكنتش اللي في بالي كان نفسي تبقى سعيدة وجابر يهرب".
-"بعد آخر حلقة في المسلسل وصلنا لقناعة واحدة وهى إنه طريقة تربيتك وتعاملك مع ابنك من وهو صغير، بتحدد إذا هتبني إنسان سوي نفسيا أو شخصية سيكوباتيةي.. ".
-"شوفت آخر حلقة من المسلسل وحقيقي كمية مشاعر متضاربة عندي... من الأول وهو مش مأثر فيا لا بالحلو ولا بالوحش بس آخر حلقة صعبة... القسوة حقيقي ممكن تغير أي بنى آدم مهما كان حبه ليك.. ".
-"ماعجبتنيش أبدا آخر حلقتين من سفاح الجيزة، وكأنهم صعب عليهم يكملوا عمل حلو للآخر.. حلقتين مالهم أي 60 لازمة، ومش فاهمة ليه الأفورة دى، وأيه استعراض مشهد بينه وبين أمه، إيه المطلوب يعنى نتعاطف معاه مثلا.. هو مش شخص عنده اضطرابات نفسية دا محرم كان بيقتل الناس علشان الفلوس مش أكتر.. الموضوع من الأول مكنش ليه ابعاد نفسية.. "
-مسلسل سفاح الجيزة أول حلقتين كانوا عجبني قوى، لكن بعدين ابتدأ المسلسل فى التدهور لغاية المصيبة الكبيرة فى آخر حلقتين.. لا منك حكيت اللى حصل بشكل مظبوط ولا قدرت تعمل حبكة يصدقها عيل صغير.. فى الآخر النهاية كانت عشوائية، وفجأة الواحد تاه ومفهمش..".
-"نهاية سفاح الجيزة وحشه كانت النهاية اللى حصلت فى الواقع اقوى.. مسلسل جميل لكن ضعف سكريبت أخر حلقتين".
