مينا مسعود: عايز أعمل زي عمر الشريف ونفسي اشتغل مع يسرا
كشف الفنان مينا مسعود عن تطورات فيلمه الجديد في عز الضهر، بجانب أنه يريد إعادة تجربة الفنان الراحل عمر الشريف بطريقة معكوسة بين التمثيل في أمريكا ومصر، وذلك أثناء لقائه في قناة "هي" مع الإعلامية فرح شعبان على هامش مهرجان الشرق والغرب لأفلام المرأة.
تصريحات مينا مسعود
-أنا معنديش شروط عشان أشتغل في مصر، لكن شرط السيناريو يكون مناسب.
-أتمني اشتغل مع نجوم كتير في مصر خاصة الفنانة يسرا.
-أنا معنديش قوانين للمرأة معينة، بس أحب أشوف الستات في عالم الفن شغالين في مجال الفن كمؤلفة ومخرجة ومنتجة.
-أنا عايز أعمل اللي عمر الشريف عمله بس بالعكس، بمعني هو بدأ هنا في مصر وبعدين سافر أمريكا، أنا بدأت في أمريكا وجيت مصر، وعايز أمثل هنا وهناك كمان.
-فيلم في عز الضهر موقفش احنا خلاص كملناه وهو دلوقتي في المونتاج، احنا اقعدنا نصوره أكتر من سنتين، وهو خلاص هينزل قريب.
-كان ليا الشرف إني اشتغل مع شيرين رضا و إيمان العاصي وجميلة عوض في فيلم في عز الضهر، وأنا اتبسط أوي بالتجربة دي.
فيلم في عز الضهر
يعتبر فيلم في عز الضهر هي التجربة الأولى للمينا مسعود في السينما المصرية، حيث أن تدور أحداث الفيلم في إطار إثارة وتشويق، يجسد مينا مسعود دور رئيس عصابة الذي يرتكب العديد من الجرائم، ومع تطور الأحداث يدخل في قصة حب، ومن المتعارف عليه أن تم تصوير الفيلم في أكثر من دولة ومنهم المغرب.
وشارك في المسلسل عدد كبير من الفنانين المميزين ومنهم شيرين رضا، إيمان العاصي، مينا مسعود، محمود حجازي، جميلة عوض، ميرنا نور الدين، إيهاب فهمي، محمد عز، وغيرهم الكثير من الفنانين، والفيلم من تأليف كريم سرور وإنتاج وليد صبري.
