أبرز تصريحات الرئيس السيسي خلال فعاليات مؤتمر «حكاية وطن»
أقيم اليوم السبت، مؤتمر «حكاية وطن بين الرؤية والإنجاز»، الذي شهد العديد من تصريحات الرئيس السيسي، والذي كان ينقل علي قناة «اكستر نيوز»، حيث يهدف لعرض إنجازات الدولة في حضور رئيس الجمهورية عبد الفتاح السيسي ورئيس مجلس الوزراء مصطفى مدبولي، وعدد من وزراء الدولة.
الرئيس السيسي: احنا بننجد دولة من الانهيار
أكد الرئيس عبد الفتاح السيسي، في تصريحاته ضمن فعاليات مؤتمر «حكاية وطن»، أن أول زيادة لأسعار الوقود وأول دعم كان في عام 2014، موضحّا «الناس قالت عمل كدا إزاي ؟ أوعوا تفتكروا إني جاي أقدم نفسي لكم ده لا يليق خالص ،إحنا بننجد دولة».
تصريحات الرئيس السيسي :لازم حد يدفع ويضحي عشان خاطر مصر
وفي الحديث عن واقع اقتصاد مصر، قال الرئيس السيسي: «عمرنا ما كان بيدخل لينا قد اللي بنصرفه يعني العجز موجود والسلف موجود وكان قبل عام 2014 مطلوب الناس تاكل بس حتي لو كانت الدولة معندهاش مقومات دولة خالص».
وأضاف: «طيب ونطلق إزاي بزيادة سكانية مش مستعدين ليها ،أنا مش هكون موجود لكم أنتم وأبناءكم وأحفادكم موجودين وفي حد لازم يدفع ويضحي عشان الكلام دا ينتهي».
ووجه الرئيس عبد الفتاح السيسي خطابا للمصريين قائلا: «أنت كمواطن عاوز تعيش وتربي أولادك وأنا معاك ،واحنا جمبك وعاوز تشغل ولادك ده حقك ولو مكناش نفهم الحكاية ليه بلدنا طول عمرها كدة، وعاوزين نخرج من الازمة ولا نقول كلام ميتحققش».
السيسي: بسمع كل وجهات النظر المنطقية والعلمية
وتابع حديثه عن الاقتصاد المصري: «في وقت كورونا كان فيه خمسة مليون مصري شغالين في المشروعات القومية ،وبسمع كل وجهات النظر المنطقية والعلمية».
السيسي: متحكمش مصر عشان هيقطعوا فيك
وأضاف الرئيس السيسي: «في عام 2014 حد قالي انت ايقونة مصر وبطل مصر إوعي تدخل الدولة دي،أصل بعد كدا هيقطعوا فيك ،قولتله هبني الدولة مهما كان الثمن غاليا».
تصريحات الرئيس السيسي عن دعوات تخريب الدولة
وأكد الرئيس علي وجود دعوات تخريب تستهدف الدولة المصرية محذرًا الجمهور منها: «ستجدون أن الأخرين جهدهم كله ف انهم يخربوا البلد ويهدوها علي أصحابهم ،طب يعم يالي هتهدها علي صحابها مانت مش هتعرف تعمل فيها حاجة بردو».
وتابع: «مانت لما عملت كدا في 2011 جيت دخلت وكنت لايص لا عارف تجيب بنزين ولا قمح وتقول دي مؤامرة ..المؤامرة جهلك ،المؤامرة تخلفك».
