تأجيل مباريات الأهلي في الدوري الجديد لمدة شهر .. تفاصيل

تستعد لجنة المسابقات باتحاد الكرة، برئاسة عامر حسين، لإعلان تأجيل مباريات النادي الأهلي في النسخة الجديدة من بطولة الدوري المصري الممتاز، لمدة شهر .

ويلعب الأهلي أول مبارياته الرسمية في الموسم الجديد أمان اتحاد العاصمة الجزائري منتصف سبتمبر المقبل، على كأس السوبر الإفريقي .

كما يشارك النادي الأهلي في بطولة السوبر ليج الإفريقي في نسختها الأولى، والتي تنطلق في شهر أكتوبر المقبل .

وأكد الإعلامي أحمد شوبير، في تصريحات تليفزيونية أن الأهلي سيلعب أول مباراة له يوم 15 سبتمبر المقبل، مع اتحاد العاصمة الجزائري في بطولة السوبر الأفريقي، والدوري سينطلق يوم 15 أو 16 أو 17 من ذات الشهر، لذلك سيتم تأجيل مباراته الأولى .

فرمان الكاف

وأضاف: «الكاف قال مفيش أي فريق يشارك في أي بطولة في بلده وسط بطولة السوبر ليج، يعني الأهلي هيفضل طول بطولة السوبر ميلعبش ولا مباراة، ستكون مدة البطولة 3 أسابيع و10 قبلها، يعني الأهلي لن يشارك في أي مباراة في الدوري لمدة شهر».

وأضاف: «طبعًا هيقولوا الأهلي على راسه ريشه، هو ماله؟ هو إنت بتعاقب الأهلي عشان هو بطل إفريقيا؟ هو إنت بتعاقب الأهلي عشان هو المصنف الأول إفريقيًا؟ هو إنت بتعاقب الأهلي عشان رافع راسك فوق؟ هو ماله، الكاف هو اللي أصدر قراره بكده عندك اعتراض اتفضل قول، عاوز الأهلي ينسحب ولا عاوز الأهلي يشارك؟».

وأتم: «من دلوقتي لبعض الزملاء اللي بيسنوا السكاكين عشان التأجيلات، عندك حوالي شهر الأهلي مش موجود في البطولة، الشهر بيتلعب فيه كام مباراة؟ مش اقل من 6 مباريات فأنت بدأت الدوري والأهلي مش هيلعب 6 مباريات، وبعد كده هيكون عنده كأس العالم للأندية ولا أقولك ابعت الأهلي بفرقة 18 سنة عشان تكمل بطولتك لو إنت عاوز يعني مفيش مشكلة».