حورية فرغلي تهدد طليقة حسن شاكوش: "هشتكيكي ومش هتتخيلي اللي هيحصل فيكي".. فيديو
كشفت الفنانة حورية فرغلي عن تفاصيل جديدة في أزمة ارتباط اسمها مؤخرًا بمطرب المهرجانات حسن شاكوش، بعدما ذكرت طليقته ذلك في أكثر من حوار تليفزيوني، وأشارت إلى أنها كانت السبب في طلاقها من زوجها شاكوش.
نشرت حورية فرغلي فيديو عبر إنستجرام، وقالت: " طالعة أتكلم في موضوع بقاله فترة مضايقني وكنت ساكتة بس قررت لما يحصلي حاجة زي دي أشهدكم عشان لو غلطانة تقولولي، كنت ساكتة فترة ومش برد عشان أنا أكبر من كدة بس الموضوع زاد عن حده".
حورية فرغلي تفتح النار على طليقة حسن شاكوش
وتابعت حورية: "من طبيعتي مش بطلع أتكلم لكن من كتر ما الموضوع بقى أوفر مش قادرة، مش حابة أقول الاسم بس هضطر أقول عشان كرامتي، الأستاذة ريم طارق طليقة حسن شاكوش اللي أنا معرفهاش وعمري ما شوفتها إلا في فرحها على السوشيال ميديا، في برنامج بسمة وهبة اتقال اسم حورية وتالت حرف ر والناس سابت كل الأسامي ومسكت فيا، ومع ذلك سكت إنما يجيلك الجرأة إنك تنزلي وتقولي إن حورية فرغلي تكشف عن اسم الفتاة اللي كانت مع شاكوش لحد هنا وستوب".
وأضافت: "انتي عايزة إيه، عايزة تجيبي اسمي عشان تطلعي تريند، أنا أعرف منين البنت اللي كانت معاه، وأنا مصورة اللي انتي منزلاه وممكن أرفع عليكي قضية، وبرضو بعد ما قولتي كدة سكت، لكن لما تطلعي تقولي أنا معتذرتش لحورية فرغلي، أنا مطلبتش منك تعتذريلي، تعتذريلي على إيه؟ على الفيلم الهندي اللي انتي عاملاه وجايبة اسمي فيه؟".
وأكدت حورية: "هو أنا أعرفك؟ أنا أكبر من كدة انتي بس مش واصلك، وإنك تغلطي فيا أنا مليش علاقة بالموضوع وعمري ما بجيب سيرة حد ومش بحب القيل والقال والكلام في الحاجات الغريبة دي، أنا بحب الهدوء وعايشة لوحدي لأني مبحبش الدوشة وعمري ما غلطت في حد وبحترم الناس كلها، وطالعة أرد عليكي عشان الناس تقولي لو أنا غلطت في أي حاجة".
حورية فرغلي تهدد طليقة حسن شاكوش: هشتكيكي بالتشهير
واختتمت حورية كلامها، قائلة: "الحمد لله تاريخي يشهد ليا إني مع نفسي ومش بتاعة مشاكل وبعتبر الوسط أهلي، وكمية الناس اللي اكتشفت إنها بتحبني ربنا يخليهم ليا يارب، بس في حاجة عايزة أقولها إني بحترم الصغير قبل الكبير لأني اتربيت كدة، مش هقولك غير ربنا يهديكي وتبطلي تجيبي في سيرتي، لأن المرة الجاية أنا هشتكيكي بالتشهير وصدقيني مش هتستحملي، ومش هتتخيلي هيحصل فيكي إيه، واسم حورية فرغلي متقوليهوش عشان تطلعي تريند".
